လမ်းဟောင်းမှခွဲထွက်လိုက်သော မြစ်ဝကျွန်းပေါ်ဒေသလယ်သမားများ

ဘိုကလေးကားလမ်းဘေးတွင် တည်ရှိသည့် မျိုးသန့်မျိုးစပါးထုတ်လုပ်ရာလယ်ကွင်းထဲမှ တောင်သူလယ်သမားတစ်ဦး
ကြဲပက်စနစ်စွန့်လွှတ်ပြီးပင်တန်းခြားနည်းလမ်းအသုံးပြုသည့် လယ်ကွင်းတစ်ခုကိုဘိုကလေးတွင် တွေ့ရပုံ။ ဘိုကလေးတွင်ပင်ခြားတန်းခြားစိုက်နည်းကိုလက်ခံလာသူအများအပြားရှိလာသည်။
ခြေဗလာဖြင့် လယ်ယာလုပ်ငန်းခွင်ဝင်လာသူတချို့
တောင်သူအများအပြားသည် နေရောင်အောက် လယ်ကွင်းပြင်အတွင်းအပူဒဏ်ကိုပိုမိုခံနိုင်ရည်ရှိရန် သနပ်ခါးလိမ်း၊ ခမောက်ဆောင်းထားကြသည်
ရိတ်သိမ်းပြီးနောက် ခြွေလှေ့သည့် နေရာသို့ သယ်ဆောင်ရန် ပြင်ဆင်နေသောတောင်သူတစ်ဦး။ ယခုအခါ မျိုးစပါးကိုသီးသန့်စုဆောင်းလာကြသည်။ ယခင်ကမူမိမိလယ်ကွက်အတွင်းမှ မျိုးအတွက်သင့်လျော်မည်ဟုယူဆရသည့် နေရာတစ်ခုမှ ရိတ်သိမ်းယူပြီးပြန်လည် အသုံးပြုကြခြင်း ဖြစ်သည်။
မျိုးသန့်မျိုးစပါးထုတ်လုပ်သည့်လယ်ကွင်းအတွင်းခြွေလှေ့စက်မှ ထွက်လာသောစပါးကိုစစ်ဆေးကြည့်ရှုနေသောတောင်သူတစ်ဦး
မျိုးစပါးကိုအိတ်သွပ် သိမ်းဆည်းထားသည့် သိုလှောင်ရုံကို ပြသနေသည့် ဦးဝင်းဌေး။ ထိုအဆောက်အအုံကိုကူညီရေးအဖွဲ့များ၏ထောက်ပံ့မှုဖြင့်တည်ဆောက်ထားခြင်း ဖြစ်ပြီးထိုဌာနအဖွဲ့အစည်းများကစိတ်ဝင်စားသည့် တောင်သူတို့နှင့် ပူးပေါင်းဆောင်ရွက်လျက်ရှိသည်။
စပါးအိတ်များအနီးတွေ့ရသောဆန်စက်မန်နေဂျာတစ်ဦး။ ဈေးကွက်တွင် စပါးဈေးကောင်းရပါကတောင်သူတို့ ဝမ်းသာကြမည်ဖြစ်သည်။ သို့သော်လည်းဈေးကောင်းရခြင်းမှာအရည်အသွေးကောင်းခြင်းနှင့်လည်းတိုက်ရိုက် ဆက်စပ်နေသည်။
မြစ်ဘေးရှိ စက်ရုံတွင် ကြိတ်ခွဲပြီးနောက် ထွက်ပေါ်လာသောဆန်ကိုသယ်ယူပြီးသင်္ဘောဝမ်းဗိုက်အတွင်းပို့ဆောင်နေကြသောအလုပ်သမားတချို့။ မြစ်ဝကျွန်းပေါ်ဒေသ ဖြစ်သောကြောင့် ရေလမ်းကိုများစွာအားပြုနေရပြီးစပါးအိတ်၊ ဆန်အိတ် သယ်ယူပို့ဆောင်ရွာတွင် လှေ၊ သင်္ဘောများကိုပိုမိုအသုံးပြုကြကြောင်းတွေ့ရသည်။
သင်္ဘောဝမ်းဗိုက်အတွင်းဆန်အိတ် ထည့်သွင်းနေရာချရာတွင် လူအားကိုသာအဓိကအသုံးပြုကြဆဲဖြစ်သည်

ကြဲပက်စနစ်စွန့်လွှတ်ခြင်း၊ မျိုးသန့်သုံးခြင်းတို့ကစိုက်ပျိုးထွက်ကုန် အရည်အသွေး၊ အရေအတွက်ကောင်းမွန်စေသည်
အောင်ငြိမ်းချမ်း/Myanmar Now
ဘိုကလေး—စပါးဈေးကောင်းရရန် တောင်သူတို့ လုပ်ဆောင်ရမည့် အချက်များထဲတွင် စိုက်နည်းစနစ် တိုးမြှင့်ရေးလည်းပါဝင်သည်။
မိရိုးဖလာနည်းလမ်းဟောင်းများအနက် အချို့ကိုပြောင်းလဲပစ်မှအထွက်တိုးမည်ကိုစိုက်ပျိုးရေးသမားတချို့ကသဘောပေါက်လာကြသည်။ ဧရာဝတီတိုင်းဒေသကြီး၊ ဘိုကလေးမြို့မှ လယ်သမားအများပြားသည်လည်း မျိုးကောင်းမျိုးသန့်၊ စိုက်နည်းစနစ် ပြုပြင်ပြောင်းလဲရေးတို့နှင့် အသားကျလာပြီဖြစ်သည်။ (ဓာတ်ပုံများ - အောင်ငြိမ်းချမ်း/Myanmar Now)