အိန္ဒိယနိုင်ငံ ဟိမဝန္တာတောင်တန်း၊LADAKH ပြည်နယ်၊ ပြည်နယ်မြို့တော် LEH မြို့၊HEMIS ဗုဒ္ဓဘာသာဘုန်းတော်ကြီးကျောင်းတွင် သီတင်းသုံး ပူဇော်ခံလျှက်ရှိသော အရိုးဓာတ်တော်လေးဆူအနက် အကြီးဆုံး အရိုးဓာတ်တော်တစ်ဆူကို ပင့်ဆောင်လာရာ ဇန်နဝါရီလ ၂၁ ရက် နံနက် ၁၁ နာရီ ၃၀ မိနစ်က မန္တလေး အပြည်ပြည်ဆိုင်ရာလေဆိပ်သို့ ပင့်ဆောင်လာသည်ကိုတွေ့ရသည်။
ထိုမှတဆင့် သီတဂူဗုဒ္ဓတက္ကသိုလ်သို့ပင်ဆောင်ပူဆော်သွားမှာဖြစ်ပြီး၂၂ ရက်နေ့တွင် စစ်ကိုင်းကောင်းမှုတော်စေတီ၌လည်းကောင်း၊ ၂၃ရက်နေ့တွင် မန္တလေးမြို့ မဟာမုနိဘုရား၌လည်းကောင်း၊ ၂၄ရက်နေ့တွင် မန္တလေးမြို့ အတုမရှိကျောင်းတော်၌လည်းကောင်း၊၂၅ရက်နေ့တွင် နေပြည်တော် ဥပ္ပာတသန္တိစေတီတော်၌လည်းကောင်း၊ ၂၆ရက်နေ့တွင် ပဲခူးတိုင်းဒေသကြီး အုတ်ဖိုမြို့ ဥတိုမြို့သစ်၌လည်းကောင်း၊ ၂၇ရက်နေ့မှ ၂၉ ရက်နေ့အထိ ရန်ကုန်မြို့ ရွှေတိဂုံစေတီတော်၌လည်းကောင်း သီတင်းသုံးပူဇော်ခံပြီး အိန္ဒိယနိုင်ငံသို့ ပြန်ကြွမည်ဖြစ်သည်။
(ဓာတ်ပုံ - အောင်ကိုဦး၊ မဇ္ဈိမ)