သန္ဓေတားဆေးရဲ့တခြားကျန်းမာရေး အကျိုးကျေးဇူးများ

.

ရေးသားသူ Yun Sandi Nan Mon
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

သန္ဓေတားဆေးတွေက ကိုယ်ဝန်မရအောင်တားပေးနိုင်တယ်လို့ သိထားကြပြီးဖြစ်ပါတယ်။ ထိုးဆေးနဲ့သောက်ဆေးရှိကြတဲ့အထဲမှာ သောက်ဆေးတွေက တခြားကျန်းမာရေးအကျိုးကျေးဇူးတွေ ရှိနေနိုင်သေးတယ်ဆိုတာ သင်သိရဲ့လား။

သန္ဓေတားခြင်းထက် ကုသရေးလိုမျိုး တခြားအကြောင်းရင်းတွေအတွက်လည်း သန္ဓေတားဆေးတွေကို အသုံးပြုကြပါတယ်။

ဒါဆို စိတ်ချလုံခြုံရတဲ့လိင်ဆက်ဆံမှုအတွက် အပြင် သန္ဓေတားဆေးကို ဘာလို့သောက်ကြတာလဲ။

အဓိကအားဖြင့် အက်စထရိုဂျင်နဲ့ ပရိုတက်စတင် ဟော်မုန်းတွေပါဝင်တဲ့ နှစ်မျိုးစပ်သောက်ဆေးနဲ့ ဟော်မုန်းတစ်မျိုးတည်းပါတဲ့ ပရိုဂျက်စတင်သီးသန့်သောက်ဆေး ဆိုပြီးသန္ဓေတားဆေးအမျိုးအစားနှစ်မျိုးရှိပါတယ်။ သန္ဓေတားဆေးတွေက အမျိုးသမီးရဲ့သားဥအိမ်ကနေ မမျိုးဥထွက်မလာအောင် တားဆီးပေးတာဖြစ်ပြီး သားအိမ်နံရံကအကျိအချွဲတွေကို ထူစေတဲ့နည်းနဲ့ ကိုယ်ဝန်မရအောင် ကာကွယ်ပေးပါတယ်။

ဓမ္မတာလာချိန်နာကျင်ကိုက်ခဲမှုသက်သာစေဖို့ ဆရာဝန်ဆေးညွှန်းပေးတာရှိသလို ရာသီသွေးပေါ်ချိန်မှန်စေဖို့လည်းသုံးကြပါတယ်။ တားဆေးမှာ တခြားကျန်းမာရေးအကျိုးကျေးဇူးတွေရှိနေလို့ပါ။ ပေါင်းစပ်သန္ဓေတားဆေးနဲ့ ပရိုဂျက်စတင်သန္ဓေတားဆေးနှစ်မျိုးလုံးက ရာသီလာစဉ်နာကျင်ကိုက်ခဲမှုတွေကိုလျော့ပါးစေပြီးသွေးဆင်းများခြင်းကို ထိန်းပေးနိုင်သလို သားအိမ်ပြင်ပသန္ဓေတည်ခြင်း(ectopic pregnancy)ဖြစ်နိုင်ခြေလျော့နည်းစေပါတယ်။ ဒါ့အပြင် –

  •     ဝက်ခြံ
  •     အရိုးပါးခြင်း
  •     ရင်သားနဲ့သားအိမ်အတွင်းအကျိတ်ဖြစ်ခြင်း
  •     မျိုးဥအိမ်ကင်ဆာ
  •     သားအိမ်၊သားဥပြွန်၊မျိုးဥအိမ်တို့မှာ ပြင်းထန်တဲ့ရောဂါပိုးဝင်ခြင်း
  •     သံဓာတ်အားနည်းခြင်း(သွေးအားနည်းခြင်း)
  •     PMS ( ရာသီမလာခင် ခံစားရတဲ့လက္ခဏာများ) ကို ကာကွယ်တားဆီးပေးပါတယ်။

သန္ဓေတားဆေးတွေက ဘယ်လိုရောဂါအခြေအနေတွေအတွက် အကျိုးအာနိသင်ရှိသလဲ

သန္ဓေတားဆေးတွေကို ရောဂါအခြေအနေအတော်များများကိုကုသရာမှာအသုံးပြုကြပါတယ် –

(၁) Polycystic Ovary Syndrome (မျိုးဥအိမ်အတွင်းအရည်အိတ်တည်ခြင်း )ဟာ ဓမ္မတာမမှန်ခြင်း၊ဝက်ခြံထွက်ခြင်းနဲ့ အမွေးအမျှင်တွေပိုထွက်လာခြင်းတို့ကိုဖြစ်စေတဲ့ ဟော်မုန်းမညီမျှမှုဖြစ်ပါတယ်။ ရာသီလာချိန်မမှန်တဲ့မိန်းကလေးတွေ(အရမ်းနည်းတာ၊ လုံးဝမလာတာ)အတွက် ရာသီမှန်စေဖို့ ဟော်မုန်းပမာဏကို လျော့နည်းအောင် သန္ဓေတားဆေးတွေက စွမ်းဆောင်ပေးပါတယ်။ ဟော်မုန်းတွေက ပုံမှန်ပမာဏရှိနေတယ်ဆိုရင် ဝက်ခြံနဲ့အမွေးအမျှင်ထွက်ခြင်းတို့ သက်သာသွားစေနိုင်ပါတယ်။

(၂) Endometriosis(သားအိမ်တွင်းတစ်ရှူးများသားအိမ်ပြင်ပရောက်ခြင်း) – ဒီအခြေအနေရှိနေတဲ့ အမျိုးသမီးအများစုဟာ ရာသီလာချိန်မှာ ကိုက်ခဲမှု၊ ခါးအောက်ပိုင်းကိုက်ခြင်းကိုခံစားရတတ်ပါတယ်။  Endometriosis ကိုကုသရာမှာ သန္ဓေတားဆေးတွေကို ဆေးညွှန်းပေးလေ့ရှိပြီး တားဆေးက ဓမ္မတာမလာအောင်ယာယီတားဆီးပေးထားပါတယ်။ Endometriosis ရှိတဲ့ မိန်းကလေးငယ်တွေဟာ ရာသီလာရင် နာကျင်ကိုက်ခဲမှုကိုခံစားရနိုင်တာကြောင့် ရာသီသွေးမဆင်းအောင်တားဆီးတာက ဝေဒနာကို သက်သာစေနိုင်ပါလိမ့်မယ်။

(၃) ခေါင်းတစ်ခြမ်းကိုက်ခြင်း (Migraines)  -သန္ဓေတားဆေးက ဟော်မုန်းပြောင်းလဲမှုကြောင့်ဖြစ်လာတဲ့ ရာသီလာချိန် ခေါင်းတစ်ခြမ်းကိုက်ခြင်းကို သက်သာစေနိူုင်ပါတယ်။

(၄) ကိုယ်အလေးချိန်ကျဆင်းခြင်း၊စိတ်ဖိစီးခြင်း၊ကိုယ်လက်လှုပ်ရှားမှုလွန်ကဲခြင်းကြောင့် ရာသီထိန်ခြင်း (amenorrhea) –  ရာသီစက်ဝန်းမှန်စေဖို့ အက်စထရိုဂျင်ပြန်ဖြည့်ပေးနိုင်မယ့် သန္ဓေတားဆေးတွေကို ဆရာဝန်က ညွှန်းပေးနိုင်ပါတယ်။ အရိုးကျန်းမာရေးအတွက် အက်စထရိုဂျင်ပုံမှန်ပမာဏရှိဖို့နဲ့ သင့်တင့်တဲ့ ကိုယ်အလေးချိန်ရှိဖို့အရေးကြီးပါတယ်။ ကိုယ်အလေးချိန်ကျဆင်းမှု ဒါမှမဟုတ် စားသောက်ပုံမူမမှန်ခြင်းတို့ကြောင့် ရာသီထိန်ခဲ့ရင် ပုံမှန်ကိုယ်အလေးချိန်ပြန်ရအောင် ကုသစောင့်ရှောက်မှုခံယူတာအကောင်းဆုံးပါပဲ။

(၅) Menstrual Cramps – ရာသီလာချိန်ကိုက်ခဲမှုပြင်းထန်တဲ့အခါ  ဆေးညွှန်းမလိုတဲ့ဆေးဝါးတွေလောက်နဲ့ မသက်သာခဲ့ရင်  သန္ဓေတားဆေးတွေက အထောက်အကူပေးနိုင်ပါတယ်။  တားဆေးတွေက မျိုးဥကြွေခြင်းကိုတားဆီးပေးပြီး သွေးဆင်းနည်းစေပါတယ်။dysmenorrhea လို့ခေါ်တဲ့ဒီအခြေအနေကြောင့်ဖြစ်တဲ့ နာကျင်ကိုက်ခဲမှုကို ဒီဆေးတွေကသက်သာလျော့ပါးစေပါတယ်။

(၆) ရာသီမလာခင်ခံစားရတဲ့လက္ခဏာများ(PMS) –  စိတ်အပြောင်းအလဲမြန်ခြင်း၊ရင်သားနာကျင်ခြင်း၊ ကိုယ်အလေးချိန်တက်ခြင်း၊ ဗိုက်ပူလာခြင်း၊ ဝက်ခြံထွက်ခြင်းတို့လို  PMS လက္ခဏာတွေက မိန်းကလေးတစ်ယောက်ရာသီမလာခင် ၂ ပတ်လောက်အလိုမှာ ဖြစ်လေ့ရှိပါတယ်။ မျိုးဥကြွေခြင်းကိုတားဆီးပေးပြီး ဟော်မုန်းပမာဏကို ထိန်းညှိပေးဖို့ သန္ဓေတားဆေးတွေကို ညွှန်းပေးကြပါတယ်။ သန္ဓေတားသောက်ဆေးတွေကို ဆက်တိုက်ပေးပြီးနောက် ဒီလက္ခဏာတွေသက်သာလာနိုင်ပါတယ်။

(၇) Primary Ovarian Insufficiency (POI) – ဓာတ်ကင်ကုထုံး၊ ဓာတုကုထုံး သို့မဟုတ် မျိုးဗီဇရောဂါတစ်ခုခုကြောင့် မျိုးဥအိမ်က အက်စထရိုဂျင်အလုံအလောက်မထုတ်ပေးနိုင်တဲ့ ဒီအခြေအနေမှာ သန္ဓေတားဆေးတွေက အကျိုးပြုပေးနိူင်ပါတယ်။ ဒီကုသမှုရဲ့ ရည်ရွယ်ချက်က ရာသီစက်ဝန်းပုံမှန်ပြန်ဖြစ်ဖို့နဲ့ အရိုးကျန်းမာရေးထိန်းသိမ်းဖို့အတွက်ဖြစ်ပါတယ်။

(၈) ရာသီသွေးဆင်းများခြင်း – ရာသီလာချိန်သွေးဆင်းတဲ့ပမာဏများနေရင်၊ ရက်ပိုကြာနေရင် သန္ဓေတားဆေးတွေက သက်သာစေနိုင်ပါတယ်။ တချို့မိန်းကလေးတွေမှာ သွေးဆင်းတာအရမ်းများပြီး သွေးအားနည်းတဲ့အခြေအနေဖြစ်စေနိုင်ပါတယ်။ ဒီဆေးတွေက ရာသီသွေးဆင်းနည်းစေတာကြောင့် သွေးအားနည်းခြင်းမဖြစ်အောင် ကာကွယ်ပေးနိုင်ပါတယ်။

(၉) ဝက်ခြံဖြစ်ခြင်း  –  ပုံမှန်ဆေးဝါးတွေနဲ့ကုသလို့မရတဲ့ ဝက်ခြံ အကြီးအသေးအားလုံးကို သန္ဓေတားဆေးတွေနဲ့ကုသနိုင်ပါတယ်။ သန္ဓေတားဆေးမှာပါတဲ့ ဟော်မုန်းတွေက ဝက်ခြံဖြစ်ခြင်းကိုတားဆီးပေးနိုင်ပါတယ်။ ဒါပေမယ့် အာနိသင်ထိရောက်ဖို့က လနဲ့ချီပြီး ကြာတတ်တာကြောင့် စိတ်ရှည်ဖို့တော့လိုပါတယ်။

ရောဂါအကြောင်းရင်းကြောင့် သန္ဓေတားဆေးတွေကိုသောက်နေရတယ်ဆိုရင် ဘာအကျိုးကျေးဇူးတွေရှိနိင်လဲ

သန္ဓေတားဆေးတွေကို ရောဂါကုသရေးအတွက်သောက်သုံးနေတယ်ဆိုရင်တောင် ကိုယ်ဝန်မရအောင်လည်း အကာအကွယ်ဖြစ်စေပါတယ်။ ဒါပေမယ့် တားဆေးတွေက လိင်မှတဆင့်ကူးစက်တတ်တဲ့ရောဂါတွေကို မကာကွယ်ပေးနိင်ပါဘူး။ ဒါ့ကြောင့် ကိုယ့်အဖော်မှာ ရောဂါရှိမရှိကို မသိတဲ့အခြေအနေဆိုရင် လိင်ဆက်ဆံချိန်မှာ ကွန်ဒုံးသုံးတာ ကောင်းပါတယ်။

ဤဆောင်းပါးကို Mizzima ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။