မြောက်ကိုရီးယားအရေး ဆွေးနွေးအဖြေရှာရန် ကနေဒါသို့ သံတမန်များရောက်ရှိ

မြောက်ကိုရီးယားအရေး ဆွေးနွေးအဖြေရှာရန် ကနေဒါသို့ သံတမန်များရောက်ရှိ

 

ဗန်ကူးဗား၊ ကနေဒါ၊ ဇန်နဝါရီ ၁၆ ။           ။ မြောက်ကိုရီးယားအရေးကိစ္စဆွေးနွေးရန်အတွက် ကနေဒါနိုင်ငံဗန်ကူးဗားမြို့သို့ တနင်္လာနေ့ကရောက်ရှိလာ သော တောင်ကိုရီးယားနိုင်ငံခြာေးရးဝန်ကြီး ကန်ကျန်ဝါကို ကနေဒါနိုင်ငံခြားရေးဝန်ကြီး ခရစ္စတီးယားဖရီးလန်း က လက်ခံကြိုဆိုခဲ့သည်။

ထိပ်သီးသံတမန်နှစ်ဦးသည် မြောက်ကိုရီးယားပဋိပက္ခနှင့်ပက်သက်၍ ချဉ်းကပ်အဖြေရှာကြမည့် နိုင်ငံ ၂၀ ပါဝင် သည့် ဆွေးနွေးပွဲကြီးမကျင်းပမီတွင် တွေ့ဆုံခဲ့ကြခြင်းဖြစ်သည်။

ပြီးခဲ့သော တနင်္ဂနွေနေ့က ဖရီးလန်းသည် သူမ၏တွစ်တာစာမျက်နှာ၌ “ကနေဒါနိုင်ငံဟာ တစ်ကမ္ဘာလုံးကို ခြိမ်းခြောက်မှုတွေပြုလုပ်နေတဲ့ မြောက်ကိုရီးယားနိုင်ငံနဲ့ပက်သက်လို့ သံတမန်နည်းနဲ့ ဆွေးနွေးအဖြေရှာတဲ့အခါ မှာ တောင်ကိုရီးယားဘက်ကနေ ရပ်တည်သွားမှာဖြစ်ပါတယ်” ဟု ရေးသားခဲ့သည်။

တောင်ကိုရီးယားနိုင်ငံခြားရေးဝန်ကြီး မစ္စတာကန်သည် အမေရိကန်နိုင်ငံခြားရေးဝန်ကြီး ရက်စ်တေလာဆန်နှင့် လည်း မြောက်ကိုရီးယားတို့၏ ဒုံးပျံလက်နက်စမ်းသပ်မှုနှင့်ပက်သက်၍ ပြောဆိုဆွေးနွေးခဲ့ပြီးပြီဖြစ်သည်။

ယခုအစည်းအဝေးပွဲသည် ဟာဝါအီကျွန်း၌ ဒုံးပျံသတိပေးချက် မှားယွင်းစွာထုတ်ပြန်ခဲ့သည်ဖြစ်ရပ် ဖြစ်ပွားခဲ့ပြီး ရက်ပိုင်းအကြာတွင် ကျင်းပခြင်းဖြစ်သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly