ပြည်ပပို့ကုန်အရည်အသွေး တိုးတက်ရေး ကုန်သည်စက်မှုအသင်းချုပ် ကြိုးပမ်း

.

စက်တင်ဘာ ၅ ။             ။ မြန်မာပြည်မှ တင်ပို့သော ပြည်ပပို့ စားသောက်ကုန်များ၏ အရည်အအသွေး တိုးတက်ရန် ကျယ်ကျယ်ပြန့်ပြန့် ဆောင်ရွက်သွားမည် ဖြစ်ကြောင်း ကုန်သည်စက်မှုအသင်းချုပ် ဒုတိယဥက္ကဋ္ဌ ဦးရဲမင်းအောင် က ပြောသည်။

ပြည်ပသို့ မြန်မာမှ အများဆုံးတင်ပို့နေသည့် လယ်ယာသားငါးထွက်ကုန်များတွင် တင်ပို့ခွင့် ပိတ်သိမ်းခံရမှုများ ရှိခဲ့ပြီး ယခုအခါ အရည်အသွေး စိတ်ချရရရေးအတွက် ကမ္ဘာ့ဘဏ်အုပ်စုအဖွဲ့ဝင် International Finance Corporation (IFC) နှင့် ကုန်သည်စက်မှုအသင်းချုပ်တို့ သဘောတူညီ မှုစာချွန်လွှာကို စက်တင်ဘာလ ၄ ရက်က လက်မှတ်ရေးထိုးခဲ့ကြသည်။

“ကျွန်တော်တို့နိုင်ငံမှာ စားနပ်ရိက္ခာဘေးကင်းလုံခြုံရေးနဲ့ ပတ်သက်တဲ့သင်တန်းတွေ၊ ပညာပေးတဲ့အစီအစဉ် တွေ၊ လက်တွေ့သင်ကြားပြသတဲ့အပိုင်းတွေမှာ ပူးပေါင်းဆောင်ရွက်ဖို့ ကုန်သည်စက်မှုအသင်းချုပ်နဲ့ IFC လက် မှတ်ရေးထိုးခဲ့တာပါ။ Food Safety နဲ့ ပတ်သက်တဲ့လုပ်ငန်းစဉ်တွေကို နိုင်ငံတကာစံချိန်စံညွှန်းနဲ့အညီ ပူးပေါင်း ဆောင်ရွက်သွားမှာပါ” ဟု ဦးရဲမင်းအောင်က ပြောသည်။

ပြည်ပပို့ကုန်များ အရည်အသွေးကောင်းမွန်မှုရှိစေရန်နှင့် ရေရှည်ဈေးကွက်ဝင်အောင် ထိန်းသိမ်းသွားမည် ဖြစ် ကြောင်း ဦးရဲမင်းအောင်က ဆိုသည်။

လက်ရှိတွင် ပြည်ပသို့ လယ်ယာထွက်ကုန်များဖြစ်သော ပဲတီစိမ်း၊ မတ်ပဲ၊ မြေပဲဆန်၊ ရေထွက်ကုန်များ အဓိက တင်ပို့နေပြီး ရေထွက်ကုန် ငါးနှင့် ပုစွန်များ ဆော်ဒီသို့ တင်ပို့ရာတွင် ရောဂါပိုး ပါသည်ဟုဆိုကာ ပြီးခဲ့သည့် မတ်လအတွင်းက တင်ပို့ခွင့် ရပ်ဆိုင်းခံခဲ့ရသည်။

အဆိုပါ လက်မှတ်ထိုးသဘောတူညီချက်အရ စိုက်ပျိုးရေး၊ မွေးမြူရေးနှင့် ပြည်ပတင်ပို့သည့်လုပ်ငန်းများ၊ ပြည်တွင်းစားသောက် ကုန်ထုတ်လုပ်မှုလုပ်ငန်းများတွင် အစားအသောက်ဘေးကင်းလုံခြုံရေး( အစား အသောက်အရည်သွေး)အတွက် နိုင်ငံတကာပုံစံများကို IFC နှင့်ပူးပေါင်းပြီး UMFCCI မှ သင်တန်းများ ပို့ချသွားမည် ဖြစ်သည်။

ပြီးခဲ့သည့်နှစ် နိုဝင်ဘာလမှစတင်ပြီး ကုန်သည်စက်မှုအသင်းချုပ်နှင့် IFC တို့ ပူးပေါင်းဆောင်ရွက်မှုများ ပြုလုပ်ခဲ့ပြီး ယခု ကျယ်ကျယ်ပြန့်ပြန့်လုပ်နိုင်ရန် ပူးပေါင်းဆောင်ရွက်လိုက်ခြင်း ဖြစ်သည်။

မြန်မာနိုင်ငံအနေဖြင့် အစားအသောက်တင်ပို့မှု အရည်အသွေးတိုးတက်လာပါက လာမည့် ၂၀၂၀ ခုနှစ်တွင် ဥရောပ၊ အရှေ့အလယ်အပိုင်း၊ ဂျပန်စသောဈေးကွက်များကို ပြည်ပပို့ကုန်များတင်ပို့နိုင်ရန် ရည်ရွယ်ထား သည်။

မြန်မာ့ရေထွက်ကုန်များကို ရုရှမှ ၀ယ်ယူရန် စိတ်ဝင်စားခဲ့သော်လည်း အကြောင်းကြောင်းကြောင့် တင်ပို့နိုင်ခြင်း မရှိခဲ့ပေ။

၂၀၁၇-၁၈ ဘဏ္ဍာနှစ် ငါးလကျော်အထိ (စက်တင်ဘာလ ပထမပတ်) ပြည်ပနိုင်ငံများသို့ ရေထွက် ပို့ကုန် တင်ပို့မှုသည် အမေရိကန်ဒေါ်လာ ၃၀၃ သန်းကျော်ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနထံမှ သိရသည်။