ချင်းမိုင်။    ။ မြန်မာနယ်စပ်အနီး ဘင်္ဂလားဒေ့ရ်ှနိုင်ငံ တက္ကနာမြို့နယ်ရှိ မြန်မာနိုင်ငံမှ ရိုဟင်ဂျာ ဒုက္ခသည်များ နေထိုင်ရာ နာရပါရာ စခန်းတွင် ယမန်နေ့က ဆန္ဒပြမှု ဖြစ်ပွားအပြီး  ဒေသအာဏာပိုင်များက ဒုက္ခသည် ၅ ဦးကို ဖမ်းဆီးသွားသည်။ 

ဒုက္ခသည်များ၏ ကျန်းမာရေးအတွက် ထိရောက်စွာ စောင့်ရှောက်နေသည့် ဟော်လန်အခြေစိုက် နယ်စည်းခြားမဲ့ ဆရာဝန်များ Medecins Sans Frontieres - MSF အဖွဲ့က အပြီးတိုင် ရုပ်သိမ်းပြီး အခြား အန်ဂျီအိုအဖွဲ့ RTM (Richard Training Management) နှင့် အစားထိုးမည်ကို မကျေနပ်သော ဒုက္ခသည် ၁ဝဝဝ ခန့်က ဆူပူ ဆန္ဒပြသည်ကို စခန်းလုံခြုံရေး တပ်သားများနှင့် ရဲများက သေနတ်နှင့် ပစ်ဖောက် လူစုခွဲပြီးနောက် လူ ၅ ဦးကို ဖမ်းဆီးသွားခြင်း ဖြစ်သည်။

"ဒေါက်တာ ကာလီယာက ဒုက္ခသည်စခန်းမှာ အရင်ကတည်းက အကူအညီပေးနေတဲ့ (MSF) အန်ဂျီအို အကြီးအကဲ တယောက်ပဲ။ ဒါပေမဲ့ သူက အခု နေရာအပြောင်းအရွှေ့ ဖြစ်မှာဆိုတော့ ဒုက္ခသည်တွေက မလိုလားဘူး။ မလိုလားတဲ့ အချက်ပေါ်မှာ မှုတည်ပြီးတော့ အဲဒီမှာ လူစုပြီး ကန့်ကွက်ကြတာလေ။ အဲဒါ ကန့်ကွက်ရင်းနဲ့ ဆန္ဒပြမှု ဖြစ်လာပြီးတော့ အခုလို အုံကြွမှု ဖြစ်သွားတာ" ဟု စခန်းအနီး နေထိုင်သူ ကိုစိုးလင်းက မဇ္ဈိမကို ပြောသည်။

MSF မှ ဒေါက်တာ ကာလီယာနှင့် အခြား နိုင်ငံခြားသားတဦးသည် ညနေ ၄ နာရီခန့်တွင် ဒုက္ခသည်စခန်းသို့ ရောက်လာစဉ် ယခုလို ဆန္ဒပြမှု ဖြစ်ပွားပြီးနောက် အမျိုးသမီးတဦး အပါအဝင် ဒုက္ခသည် ၅ ဦးကို ဆန္ဒပြပွဲကို ဦးဆောင်သည်ဟု ဆိုကာ ဒေသအာဏာပိုင်များက ဖမ်းဆီး ခေါ်ဆောင်သွားသည်။

ဒုက္ခသည်များက RTM ပိုင်ဆိုင်သည့် ကားနှစ်စီးနှင့် ရုံးခန်းကို ဖျက်ဆီးသဖြင့် ရဲများက မိုးပေါ်သို့ အကြိမ် ၃ဝ ခန့် ပစ်ဖောက် တားမြစ်ရာ ခဲနှင့် ပြန်လည်ပစ်ခတ်ပြီး လုံခြုံရေးတပ်ဖွဲ့က ဒုတ်များနှင့် ရိုက်နှက်သောကြောင့် ဒုက္ခသည် ၂ဝ ခန့် ထိခိုက် ဒဏ်ရာရသလို၊ ရဲနှင့် လုံခြုံရေးတပ်ဖွဲ့မှ လူ ၁ဝ ဦးခန့်လည်း ဒဏ်ရာရရှိခဲ့သည်။

ကိုစိုးလင်းက "ဒုက္ခသည်စခန်းမှာ ရှိနေတဲ့ လုံခြုံရေးတာဝန် ယူထားတဲ့ သူတွေက တားတယ်။ မရဘူး ဖြစ်နေတယ်။ နောက် UNHCR (ကုလဒုက္ခသည်ရုံး) က တာဝန်ရှိသူတွေက လိုက်တားတယ်။ မရဘူး ဖြစ်လာတော့ ဆန္ဒပြသူတွေက တဖြည်းဖြည်း အင်အားကောင်းလာပြီး အကြမ်းဖက် လှုပ်ရှားမှုတွေ စဖြစ်လာတယ်" ဟု ပြောသည်။

နော်ဝါပါလာ စခန်းတွင် ဒုက္ခသည် အိမ်ထောင်စု ၁၇၂၆ စု ရှိကာ လူဦးရေအားဖြင့် ၁၃၃၂၃ ဦး နေထိုင်ကြသည်။

ဒုက္ခသည်များ လုံခြုံရေးနှင့် ပညာရေး ကိစ္စများကို UNHCR က တာဝန်ယူကာ ဆေးဝါးနှင့် စားနပ်ရိက္ခာအတွက် နိုင်ငံတကာမှ အန်ဂျီအို အဖွဲ့အချို့က ကူညီစောင့်ရှောက်နေခြင်း ဖြစ်သည်။