အတိုက်အခံ လူငယ် ၁ဝ ဦးကို ပြန်လွှတ်ပေး

မဇ္ဈိမသတင်းဌာန

သောကြာနေ့၊ မေလ 23 2008 13:07 - မြန်မာစံတော်ချိန်

ချင်းမိုင်။ ။ နေအိမ်များမှ လာရောက်ခေါ်ဆောင်သွားသော အမျိုးသားဒီမိုကရေစီအဖွဲ့ချုပ် လူငယ်များအနက် ၁ဝ ဦးကို ယမန်နေ့က နေ့တွင်းချင်း ပြန်လွှတ်ပေးခဲ့သည်။

အမျိုးသားဒီမိုကရေစီအဖွဲ့ချုပ်အဖွဲ့ဝင် ၁၃ ဦးကို ယမန်နေ့က အထူးရဲများက နေအိမ်များမှလာရောက်ဖမ်းဆီးပြီး ၁ဝ ဦးကို ညဘက်တွင် ပြန်လွှတ်ပေးခဲ့ခြင်း ဖြစ်သည်။

သို့သော် အဖွဲ့ချုပ်ဗဟိုလူငယ်တာဝန်ခံ ကိုထွန်းဇော်ဇော်၊ အောက်မြန်မာပြည်လူငယ်တာဝန်ခံ ကိုခင်ထွန်းနှင့် တောင်ဒဂုံမှ လူငယ်ခေါင်းဆောင် တဦးကို ဆက်လက်ဖမ်းဆီးထားဆဲဖြစ်သည်ဟု အဖွဲ့ချုပ်ခေါင်းဆောင်တဦးဖြစ်သူ ဦးစိုးဝင်းက ပြောသည်။

ဖမ်းဆီးခဲ့သူများကို နေရာခွဲ စစ်ဆေးမေးမြန်းခဲ့ပြီး ကိုယ်ရေးရာဇဝင်ယူကာ ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းလာသော အချိန်တွင် ဆန့်ကျင်ဘက်နိုင်ငံရေးလှုပ်ရှားမှု လုပ်ဆောင်ရန် ရှိမရှိ စစ်ဆေးမေးမြန်းခဲ့ပြီး အချို့ကိုမလွှတ်မီ မီဒီယာများသို့ ပြန်လည်ပြောပြခြင်းမပြုပါဟူသော ဝန်ခံချက်လက်မှတ် ထိုးခိုင်းခဲ့သည်။

< Prev		Next >

နောက်ဆုံးအကြောင်းအရာ

သူတို့စကား

"ပြည်ထောင်စု မြန်မာနိုင်ငံတော် အစိုးရသည် နယ်နိမိတ် ပိုင်ဆိုင်မှုနှင့် ပတ်သက်၍ အပြည်ပြည်ဆိုင်ရာ ဥပဒေများအတိုင်း ဆောင်ရွက်လျက်ရှိပြီး ဘင်္ဂလားဒေ့ရ်ှနိုင်ငံ၏ မှားယွင်းစွာ တောင်းဆိုမှုကို လက်ခံနိုင်ခြင်း မရှိသဖြင့် ပယ်ချခဲ့ကြောင်း၊ ထို့ပြင် မိမိတို့နိုင်ငံ၏ အကျိုးစီးပွားကို အပြည်ပြည်ဆိုင်ရာ ဥပဒေများနှင့်အညီ ဆက်လက် ကာကွယ်စောင့်ရှောက်သည့် အနေဖြင့် AD-7 လုပ်ကွက်အတွင်း ဆောင်ရွက်ရန် ရှိသည်တို့ကို ပြီးဆုံးသည်အထိ ဆက်လက် ဆောင်ရွက်သွားမည် ဖြစ်ကြောင်း သတင်းရရှိသည်"

နိုဝင်ဘာလ ၇ ရက်နေ့ထုတ် မြန်မာ့အလင်းသတင်းစာ