နာဂစ်မုန်တိုင်းအပြီး မြင်ကွင်းများ

မားလ်တီမီဒီယာ

ဓါတ်ပုံ

မဇ္ဈိမသတင်းဌာန

တနင်္လာနေ့၊ မေလ 05 2008 12:37 - မြန်မာစံတော်ချိန်

Article Index
နာဂစ်မုန်တိုင်းအပြီး မြင်ကွင်းများ
စာ - ၄
စာ - ၃
စာ - ၂
စာ - ၁
All Pages

Page 1 of 5

နာဂစ်မုန်တိုင်းအပြီး မြင်ကွင်းများ

ဧရာဝတီတိုင်း ဟိုင်းကြီးကျွန်းမြို့နယ် ပမ္မ၀တီ ရေတပ်စခန်းမှ ကမ်းတင်နေသော သင်္ဘောတစီးကို ပြန်တွန်းချရာတွင် အရပ်သားများကို လုပ်အားပေး ဆင့်ခေါ်ခဲ့သည်။ ဆိုင်ကလုံး နာဂစ်ကြောင့် ဗိုလ်မှူးအဆင့် အရာရှိတဦး အပါအ၀င် အနည်းဆုံး ရေတပ်စစ်သား ၁၅ ဦး သေဆုံးခဲ့ပြီး စစ်သင်္ဘောတစီး နစ်မြုပ်ခဲ့ကာ နှစ်စီး ကမ်းတင်ခဲ့သည်။<br />
ဓာတ်ပုံ- မဇ္ဈိမ။

ငပုတောမြို့နယ် မူလတန်းကျောင်း ဆိုင်းဘုတ်တခု မုန်တိုင်းကြောင့် ဖြစ်သည့် အပျက်အစီးများကြားတွင် တွေ့ရစဉ်။ စစ်အစိုးရက ထိုဒေသတွင် ကျောင်းများ ပြန်ဖွင့်မည့်ရက်ကို ဇူလိုင် ၁ ရက်နေ့အထိ နောက်ဆုတ်လိုက်သော်လည်း ဒေသခံများကတော့ ထိုရက်တွင်ပင် ပြန်ဖွင့်နိုင်မည် ဆိုခြင်းကို မမျှော်လင့်နိုင်ဘဲ ဖြစ်နေသည်။<br />
ဓာတ်ပုံ- မဇ္ဈိမ။

နာဂစ်ဆိုင်ကလုံး တိုက်ခတ်ပြီး နောက်ပိုင်း လပွတ္တာမြို့တွင် ယင်ကောင်များ သိသိသာသာ များပြားလာခဲ့ရာ ကျန်းမာရေးအတွက် ခြိမ်းခြောက်မှု ဖြစ်လာပြန်သည်။<br />
ဓာတ်ပုံ- မဇ္ဈိမ။

မြန်မာနိုင်ငံ ရေပိုင်နက်အလွန်တွင် မေ ၁၃ ရက်နေ့ ကတည်းက ရှိနေခဲ့သော အမေရိကန်၏ USS Essex စစ်သင်္ဘော။ ဆိုင်ကလုံးနာဂစ်ဒဏ်ခံ ဒုက္ခသည်များအတွက် ကယ်ဆယ် ထောက်ပံ့ရေးပစ္စည်းများ ပို့ဆောင်နိုင်ရေး လုပ်ဆောင်ပေး လိုသော်လည်း မြန်မာ စစ်အစိုးရက ခွင်မပြုသည့်အတွက် သီတင်းပတ် သုံးပတ်ကျော် အကြာတွင် အမေရိကန် စစ်သင်္ဘောများ လက်လျော့သွားပြီ ဖြစ်သည်။ USS Essex သင်္ဘောအုပ်စုသည် ထိုင်းကမ်းလွန်သို့ ဇွန် ၅ ရက်နေ့တွင် ဦးတည် ထွက်ခွာတော့မည် ဖြစ်သည်။<br />
ဓာတ်ပုံ- အမေရိကန်ရေတပ်။

မီးစက်ကြီးများလှူကြသော်လည်း ကွမ်းခြံကုန်းဒုက္ခသည်စခန်းတွင် မီးချောင်း၃ချောင်းသာ လင်းနေပုံ ဒုက္ခသည်တဲများမှာမှောင်မဲနေပါသည်။ ဓာတ်ပုံ- မဇ္ဈိမ

မုန့်တွေဝေစဉ်စနစ်တကျယူနေကြ။ ဓာတ်ပုံ- မဇ္ဈိမ

ယူနီဆက်အကူအညီလာသွားပါသည်။ ဓာတ်ပုံ- မဇ္ဈိမ

သောက်ရေအတွက်မိုးရေစုဆောင်းရပ်။ ဓာတ်ပုံ- မဇ္ဈိမ

လမ်းပန်းဆက်သွယ်ရေးခက်ခဲစည်နေရာတနေရာ။ ဓာတ်ပုံ- မဇ္ဈိမ

ရုံးပိတ်ရက်များတွင် ပုဂ္ဂလိကအလှူရှင်များထောက်ပံ့ရေးထွက်ကြရာ ၂၅.၅.၀၈ ရက်က အလှူရှင်ကားတန်းကြီးကိုလှိုင်သာယာအထွက်ပန်းလှိုင်တံတားထိပ်တွင်တွေ့ရစဉ်၊ ဓာတ်ပုံ- မဇ္ဈိမ။ စနစ်တကျ လှူတန်းမှုမပြု၍ဟုဆိုကာ ကားတစီးလျှင် ဒဏ်ငွေ ကျပ် ၁၀၀၀၀ စီ ရန်ကုန်တိုင်းရဲတပ်ဖွဲ့က ဒဏ်တပ်ခဲ့သည်။

ကွမ်းခြံကုန်းမှ လေဘေး ဒုက္ခသည်များ။ ဓါတ်ပုံ။ ။ မဇ္ဈိမ

နာဂစ် ဆိုင်ကလုံး ကယ်ဆယ်လုပ်ငန်းများ လုပ်နိုင်ရန် အာဆီယံ-ကုလသမဂ္ဂတို့ ညီလာခံတခုကို ရန်ကုန်မြို့တွင် တင်္နဂနွေနေ့ မေ ၂၅ ရက်၊ ၂ဝဝ၈ ခုနှစ်က ပြုလုပ်ခဲ့သည်၊ ကုလ အထွေထွေ အတွင်းရေးမှူးချုပ် ဘန်ကီမွန်းက ဆိုင်ကလုံး မုန်တိုင်းဒဏ်ခံ ဒုက္ခသည်များ အရေးကို နိုင်ငံရေး ပြသာနာအဖြစ် မဖန်တီးဘဲ လူသားများ၏ အသက်ကယ်ဆယ်ရန် ပြောဆိုလိုက်သည်။<br />
ဓါတ်ပုံ။ ။ UNIC

ကမ္ဘာအေးလမ်းနှင့် တက္ကသိုလ်ရိပ်သာ လမ်းဆုံရာ အရပ်တွင် လမ်းမီးတခုကို လျှပ်စစ်လိုင်းပြင် လုပ်သားများ စနေနေ့ မေ ၂၄ ရက်၊ ၂၀၀၈ ခုနှစ်က တပ်ဆင်နေပုံ။ နာဂစ်မုန်တိုင်းဒဏ်ခံ ဒုက္ခသည်များအတွက် ကယ်ဆယ်ရေးအတွက် လုပ်ဆောင်ရန် အာဆီယံနှင့် ကုလသမဂ္ဂတို့ ပူးပေါင်းကျင်းပသည့် အစည်းအဝေးကို ရန်ကုန်မြို့တွင် တင်္နဂနွေတွင် ပြုလုပ်မည် ဖြစ်သည့်အတွက် မြို့တွင်း ပြင်ဆင်မှု လုပ်ငန်းများ အစိုးရက အမြန် လုပ်ဆောင်နေသည်။<br />
ဓာတ်ပုံ- မဇ္ဈိမ။

သီတဂူ ဆရာတော် အရှင်ဥာဏိသရက ထိုင်းနိုင်ငံ ဘန်ကောက်မြို့တွင် သောကြာနေ့ည မတ်လ ၂၃ ရက်၊ ၂၀၀၈ ခုနှစ်က တရား ဟောပြောနေစဉ်။ ဆရာတော်သည် မုန်တိုင်းဒဏ် ဆိုးရွားစွာ ခံခဲ့ရသော ဧရာဝတိုင်းတွင်းရှိ မြို့နယ်များသို့ မကြာသေးခင်က သွားရောက်ကာ ကယ်ဆယ်ရေး လုပ်ငန်းများ ကြီးကြပ် လုပ်ဆောင်ခဲ့သည်။<br />
ဓာတ်ပုံ- မဇ္ဈိမ

ကွမ်းခြံကုန်းမြို့နယ်တွင် USAID အပါအ၀င် နိုင်ငံတကာမှ အကူအညီများကို အမှတ် ၂ အထက ကျောင်းဝင်းအတွင်း ရက်အတန်ကြာ သိမ်းဆည်းထားသည်။ ဓာတ်ပုံ- ရဲသွေးနီ (မဇ္ဈိမ)။

ဗီအိုင်ပီ ခရီးစဉ်ရှိနေ၍ လုံခြုံရေးတပ်ဖွဲ့များက လမ်းကြောင်း ရှင်းလင်းမှုပြုလုပ်ရာတွင် နာဂစ်မုန်တိုင်း ဒုက္ခသည်များကို နေရပ်သို့ ပြန်သွားခိုင်းမှု မေ ၁၈ ရက်၊ ၂၀၀၈ ခုနှစ်က ရန်ကုန်တိုင်း ကွမ်းခြံကုန်းတွင် ဖြစ်ပွားခဲ့သည်။ ဓာတ်ပုံ- ရဲသွေးနီ (မဇ္ဈိမ) ။ ဒုက္ခသည်များက ပြန်စရာနေအိမ်မရှိကြဟု ပြောဆိုကြသည်။

ကုလသမဂ္ဂ အထွေထွေ အတွင်းရေးမှုးချုပ် ဘန်ကီမွန်းက ထိုင်းနိုင်ငံ သုဝဏ္ဏဘူမိ လေဆိပ်တွင် ဗုဒ္ဒဟူးနေ့က သတင်းစာ ရှင်းလင်းပွဲ ပြုလုပ်နေစဉ်။ နာဂစ်မုန်တိုင်းဒဏ်ခံ ဒုက္ခသည်များထံ အကူအညီ ရောက်ရှိမှုမှာ ၂၅ ရာခိုင်နှုန်းသာ ရှိသေးသည်ဟု မစ္စတာ ဘန်ကီမွန်းက ပြောသည်။ ကုလအတွင်းရေးမှူးချုပ်သည် ကြာသာပတေးနေ့ နံနက်တွင် မြန်မာနိုင်ငံ သွားရောက်မည် ဖြစ်ပြီး ခရီးစဉ်အတွင်း စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေနှင့် ဆွေးနွေးမှာ ဖြစ်သည်။<br />
ဓာတ်ပုံ- မဇ္ဈိမ။

ကွမ်းခြံကုန်းရှိ လေဘေးဒုက္ခသည်များနှင့် ထောက်ပံ့ပေးဝေမှု အချို့

မိုးသည်းထန်စွာ ရွာသွန်းမှုကြောင့် ရန်ကုန်မြို့ရှိ လမ်းမများမှာ ရေကြီးမှုဒါဏ် ခံနေရသည်။ ရန်ကုန်မြို့ခံ လူထုသည် လွန်ခဲ့သည့် ရက်ပိုင်းအတွင်းက ပြင်းထန်စွာ တိုက်ခတ်ခဲ့သော လူသိန်းချီ သေဆုံးခဲ့သည်ဟု ယုံကြည်ရသည့် ဆိုင်ကလုံးနာဂစ် အပြီး မုန်တိုင်းဒါဏ်မှ ပြန်လည်ထူထောင် နာလန်စပြုနေသည့် အချိန်တွင် ယခုနောက်တဖန် ရေကြီးမှုဒါဏ် ထပ်မံ ခံနေရပြန်သည်။<br />
ဓါတ်ပုံ။ ။မဇ္ဈိမ။

လေဘေး ဒုက္ခသည်များကို ထောက်ပံ့မည့် ပုဂ္ဂလိက အလှူရှင်များ၏ ဒေါ်လာ ၁ သိန်းခန့်တန် အကူအညီများကို တင်ဆောင်ထားသော သင်္ဘောတစီးကို မေ ၁၆ ရက်၊ ၂၀၀၈ ခုနှစ်က ရန်ကုန်ဆိပ်ကမ်းတွင် တွေ့ရစဉ်။ နာဂစ် မုန်တိုင်းဒဏ်ခံ ဒုကသည်များအတွက် ပုဂ္ဂလိက အလှူရှင်များ၏ လှူဒန်းမှုမှာလည်း အရေးပါလှသည်။<br />
ဓာတ်ပုံ- မင်းသန့်-မဇ္ဈိမ။

အလှုရှင်များက လာရောက်လှူတန်းမှု ပြုနေသည်ကို ကော့မှုးဒုက္ခသည်စခန်းအနီးတွေ့ရစဉ်။ ဓာတ်ပုံ- မဇ္ဈိမ

Prev - Next >>

< Prev

သူတို့စကား

"ပြည်ထောင်စု မြန်မာနိုင်ငံတော် အစိုးရသည် နယ်နိမိတ် ပိုင်ဆိုင်မှုနှင့် ပတ်သက်၍ အပြည်ပြည်ဆိုင်ရာ ဥပဒေများအတိုင်း ဆောင်ရွက်လျက်ရှိပြီး ဘင်္ဂလားဒေ့ရ်ှနိုင်ငံ၏ မှားယွင်းစွာ တောင်းဆိုမှုကို လက်ခံနိုင်ခြင်း မရှိသဖြင့် ပယ်ချခဲ့ကြောင်း၊ ထို့ပြင် မိမိတို့နိုင်ငံ၏ အကျိုးစီးပွားကို အပြည်ပြည်ဆိုင်ရာ ဥပဒေများနှင့်အညီ ဆက်လက် ကာကွယ်စောင့်ရှောက်သည့် အနေဖြင့် AD-7 လုပ်ကွက်အတွင်း ဆောင်ရွက်ရန် ရှိသည်တို့ကို ပြီးဆုံးသည်အထိ ဆက်လက် ဆောင်ရွက်သွားမည် ဖြစ်ကြောင်း သတင်းရရှိသည်"

နိုဝင်ဘာလ ၇ ရက်နေ့ထုတ် မြန်မာ့အလင်းသတင်းစာ