ပေကျင်း၊ ဇန်နဝါရီ ၁၂ ။ ။ တရုတ်၏ ဒုတိယ ပြည်သူ့လုံခြုံရေးဝန်ကြီးဟောင်း လီတုန်ရှန်းသည် ခြစားသည့်ပြစ်မှုများကျူးလွန်မှုဖြင့် ထောင် ၁၅ နှစ်ချမှတ်ခံရကြောင်း နိုင်ငံပိုင်းစီစီတီဗွီရုပ်သံက ၎င်း၏ဝက်ဘ်ဆိုက်တွင် ဇန်နဝါရီ ၁၂က ဖော်ပြခဲ့သည်။
လီသည် ၁၉၉၆မှ ၂၀၁၃ အတွင်း ယွမ်ငွေ ၂၂ သန်း (အမေရိကန်ဒေါ်လာ ၃ ဒသမ ၃၅ သန်း) တန်ဘိုးရှိ ပိုင်ဆိုင်မှုပစ္စည်းများတရားမဝင်လက်ခံမှု၊ ရာထူးအာဏာကို အလွဲသုံးစားလုပ်မှုတို့ဖြင့် အောက်တိုဘာက အရှေ့မြောက်ပိုင်းရှိ ထျန်ကျင်းမြို့တွင် တရားရုံးတစ်ခု၌ အမှုရင်ဆိုင်ခဲ့ရသည်ဟု နိုင်ငံပိုင် ရှင်ဟွာသတင်းအေဂျင်စီကလည်း ဖော်ပြခဲ့သည်။
လီသည် ဇွန်လက ထောင်ဒဏ်တစ်သက်ချခံရသော တရုတ်လုံခြုံရေးအကြီးအကဲဟောင်း ကျိုးယုံကန်းနှင့် ပတ်သက်မှုရှိသူဖြစ်သည်။ နှစ်ပေါင်း ၇၀အတွင်း တရုတ်၏ အုတ်အော်သောင်းတင်းအဖြစ်ဆုံး ခြစားမှုအရှုပ်တော်ပုံတွင် လျှို့ဝှက်တရားခွင်စစ်ဆေးပြီးနောက် ကျိုးကို ထောင်ဒဏ်တစ်သက်ချမှတ်ခဲ့ခြင်းဖြစ်သည်။
