တရုတ်မြန်မာနယ်စပ် ယူနန်ပြည်နယ် ရွှေလီမြို့မှာ ပြီးခဲ့တဲ့ သတင်းပတ်ကုန်က နောက်ထပ် ကိုဗစ် 19 ကပ်ရောဂါ ကူးစက်မှုတွေ ထပ်တွေ့ရတဲ့အတွက် ရောဂါ ထိန်းချုပ်ရေး တင်းတင်းကျပ်ကျပ် ကိုင်တွယ်ဖို့ တရုတ်အရာရှိတွေ ပြောဆိုသတိပေးနေပါတယ်။

ယူနန်ပြည်နယ်ထဲမှာ ပြီးခဲ့တဲ့ မနေ့ တနင်္ဂနွေနေ့က  COVID-19 ပြည်တွင်း ကူးစက်သူ ၁၅ ဦး ထပ်တွေ့ခဲ့ ပြီး ပြည်ပက ပြန်လာသူတွေထဲ ကူးစက်သူ ၃၂ ယောက်ကူးစက်မှုတွေ့တာကြောင့် ဒါဟာဇန်နဝါရီလ ၃၁ ရက်နေ့ နောက်ပိုင်းကူးစက်မှုနှုန်း အမြင့်ဆုံးဖြစ်ပါတယ်။ ရွှေလီမြို့ ပြည်တွင်းကူးစက်မှုက မြန်မာလူမျိုးတဦးကနေစပြီး ကူးစက်ခဲ့တာဖြစ်တယ်လို့ မီဒီယာတွေက ဖော်ပြပါတယ်။ ရွှေလီမှာ ရောဂါ ကူးစက်ထားသူတွေထဲက ၁၁ ယောက်က မြန်မာနိုင်ငံသားတွေဖြစ်တယ်လို့ ဖော်ပြထားတာပါ။