ရီယာ့ဒ်
ဆော်ဒီ အာကာသကော်မရှင် အုပ်ချုပ်ရေးအဖွဲ့ဥက္ကဌဖြစ်သူ မင်းသား ဆူလတန်ဘင်ဆယ်မန်သည် အိန္ဒိယအာကာသလုပ်ငန်းဆိုင်ရာ အုပ်ချုပ်ရေးအဖွဲ့ အတွင်းရေးမှူး၊ အာကာသသုတေသနအဖွဲ့ချုပ်နှင့် အာကာသကော်မရှင်တို့၏ ဥက္ကဌဖြစ်သူ ဒေါက်တာ ကိုင်လာဆာဗာဒီဗို ဆီဗန်အား ပြီးခဲ့သည့် သီတင်းပတ်အတွင်း အွန်လိုင်းမှတစ်ဆင့် အာကာသကဏ္ဍနှင့် ပတ်သက်၍ မိတ်ဖက် ၂နိုင်ငံအကြား ပူးပေါင်းဆောင်ရွက်ရေးကို တွေ့ဆုံဆွေးနွေးခဲ့သည်။
နှစ်နိုင်ငံအကြား လက်မှတ်ရေးထိုးပြီး ဖြစ်သည့် နားလည်မှုစာချွန်လွှာတွင် ပါဝင်သော သုတေသနနှင့် သိပ္ပံကဏ္ဍတွင် အနာဂတ်၌ ပူးပေါင်းဆောင်ရွက်ရေး၊ လေ့ကျင့်သင်တန်းပေးရေးနှင့် အာကာသနှင့် နည်းပညာအစီအစဉ်များတွင် လက်တွဲဆောင်ရွက်ရေးတို့ကိုလည်း ပြန်လည် ဆွေးနွေးကြသည်။
