ဟောင်ကောင်ပြည်သူများကို နောက်ထပ်နှိမ်နင်းရာတွင် မြို့တော်ပညာရေးဗျူရို (EDB) သည် ကျောင်းများမည်သို့ လည်ပတ်သင့်သည်နှင့် ပတ်သက်၍ စည်းမျဉ်းသစ်များကို ချမှတ်ခဲ့သည်။  ဆိုးရွားပြင်းထန်သော အမျိုးသားလုံခြုံရေး ဥပဒေကို တရုတ်က ဟောင်ကောင်တွင် ပြဌာန်းပြီး လအနည်းငယ်အကြာတွင် ပေါ်ပေါက်လာခဲ့ခြင်းဖြစ်သည်။

ပြီးခဲ့သည့်အပတ် ကြာသပတေးနေ့က ကျောင်းများသို့ ထုတ်ဝေသော စာစောင်တစ်ခုအရ EDB က “အမျိုးသားလုံခြုံရေးနှင့် ပတ်သက်၍ စိုးရိမ်နေရသရွေ့ ဆွေးနွေးငြင်းခုံရန် သို့မဟုတ် ညှိနှိုင်းရန် နေရာမရှိ” ဟုပြောကြားခဲ့သည်။
 
မူဝါဒအသစ်များသည် တရုတ်စစ်သားများနှင့် ဒေသခံရဲအရာရှိများသည် ကျောင်းသားများအား အမျိုးသားလုံခြုံရေးဥပဒေအရ သူတို့၏ “တာဝန်များ” ကို နားလည်စေရန် ကူညီပေးသည့် ဗီဒီယိုများ၊ ရုပ်ပုံစာအုပ်များနှင့် ဂရပ်ဖစ်များ အပါအဝင် သင်ကြားရေးဆိုင်ရာ ပစ္စည်းများနှင့် စီးရီးများအနေဖြင့် ဖော်ပြထားသည်။

၎င်းတို့သည် အမျိုးသားလုံခြုံရေးဆိုင်ရာ ကိစ္စရပ်များကို “ဘာသာရပ်အမျိုးမျိုးတွင်သင်ကြားသင့်သည်” နှင့် အုပ်ချုပ်ရေးမှူးများနှင့် ဆရာများသည် စည်းကမ်းဆိုင်ရာ ပြဿနာများနှင့် လမ်းညွှန်ချက်အသစ်များကို လိုက်နာရန် ပျက်ကွက်မှုတို့နှင့် ပတ်သက်၍ အသေးစိတ် ဖော်ပြထားသည်။

အစီရင်ခံစာများအရ စည်းမျဉ်းများကို ဆန့်ကျင်သော ဆရာများနှင့် ကျောင်းသားများသည် ကြီးလေးသော ပြစ်မှုများကို ရင်ဆိုင်ရမည်ဖြစ်ပြီး အုပ်ချုပ်ရေးမှူးများသည်“ ကြီးလေးသော” ပြစ်မှုများအတွက် ရဲကိုပါဝင်ရန် အကြံပေးခဲ့ကာ အမျိုးသားလုံခြုံရေးနှင့် ဆန့်ကျင်သော စာအုပ်များနှင့် အခြား ပစ္စည်းများအား ကျောင်းမြေပြင်မှ ဖယ်ရှားရန် ပါဝင်သည်။

 “အကယ်၍ ဝန်ထမ်းတစ်ဦးသည် တိုင်းပြည်ကို လေးစားခြင်းမရှိသော လုပ်ရပ်တစ်ခုကို ကျူးလွန်ကြောင်း တွေ့ရှိပါက ကျောင်းသည် သင့်လျော်သော အကြံဉာစ်များ သို့မဟုတ် သတိပေးမှုများ ပြုလုပ်သင့်ပြီး ၎င်းဝန်ထမ်း၏ အနာဂတ်ဆောင်ရွက်ချက်များကို ဂရုပြုသင့်သည်”ဟု စည်းမျဉ်းများက ဖော်ပြသည်။

ဥပဒေပြုအမတ်ဟောင်းနှင့် ပရော်ဖက်ရှင်နယ်ဆရာများသမဂ္ဂ ဒုဥက္ကဌဖြစ်သူ Ip Kin-yen က မူဝါဒအသစ်များကို ဆရာများ၊ မိဘများနှင့် တိုင်ပင်ဆွေးနွေးခြင်းမရှိဘဲ ကြေငြာခြင်းအတွက် အစိုးရအား ပြစ်တင်ဝေဖန်ခဲ့သည်။

“အမျိုးသားလုံခြုံရေးဥပဒေပညာရေးနှင့် ပတ်သက်၍ အထိအခိုက်မခံမှုနှင့် ခန့်မှန်းရခက်မှုများစွာရှိသည်။ ကျောင်းအုပ်များနှင့် ဆရာများအကြား ကြီးမားသော ဖိအားများနှင့် စိုးရိမ်ပူပန်မှုများကို ဖြစ်ပေါ်စေလိမ့်မည်”ဟု သူက ပြောကြားခဲ့သည်။

 တက္ကသိုလ်နှင့် အထက်တန်းကျောင်းနှစ်ခုလုံးမှ ကျောင်းသားများသည် ၂၀၁၁ ခုနှစ်တွင် ဟောင်ကောင်တွင် ပေါ်ပေါက်ခဲ့သော ဒီမိုကရေစီ လိုလားသော ဆန္ဒပြမှုများတွင် ရှေ့တန်းမှ ပါဝင်ခဲ့သည်။

မငြိမ်မသက်မှုများအတွင်းနှင့် နိုင်ငံတော်လုံခြုံရေးဥပဒေ ပြဌာန်းမည့်ကာလတွင် အစိုးရလိုလားသူများသည် မြို့၏ လူငယ်များကို အစွန်းရောက်ဝါဒ ဖြန့်မှုအတွက် မြို့တော်၏ လစ်ဘရယ်ပညာရေး သင်ရိုးညွှန်းတမ်းနှင့် ဆရာများအား အပြစ်တင်ခဲ့သည်။

၂၀၁၉ ဆန္ဒပြမှုများသည် “လူအများအား ဟောင်ကောင်ပညာရေး၏ ထိရောက်မှုကို ထပ်မံမေးခွန်းထုတစေခဲ့သည်ဟု” ပေကျင်းမှ ခန့်အပ်ထားသည့် ဟောင်ကောင်အမှုဆောင်အရာရှိချုပ် Carrie Lam က ပြီးခဲ့သည့် နိုဝင်ဘာလက သူမ၏ နှစ်ပတ်လည် မူဝါဒမိန့်ခွန်းတွင် ပြောကြားခဲ့သည်။

မီဒီယာ တင်ပြချက်များ ပုဂ္ဂလိကနှင့် အများပြည်သူ မူကြိုကျောင်းများသည် လမ်းညွှန်ချက်များအရ “ကျောင်းသားများသည် တရုတ်လူမျိုးအဖြစ် တဖြည်းဖြည်း တိုးပွားလာပြီး အမျိုးသားလုံခြုံရေး ပညာရေးအတွက် အုတ်မြစ်ချလိမ့်မည့် တရုတ်သမိုင်း၊ တရုတ်ယဉ်ကျေးမှုနှင့် ကိုယ်ကျင့်တရားဆိုင် ရာပညာရေး”နှင့် ပတ်သက်သော ဗဟုသုတများကို သင်ယူရန် သူတို့၏ ကျောင်းသားများအား အတင်းအကျပ် ဖိအားပေးခိုင်းလိမ့်မည်။

တရုတ်တွေနဲ့အမျိုးသားလုံခြုံရေးပညာရေးအတွက်အုတ်မြစ်ချလိုက်တယ်။

အသက် ၆ နှစ်မှစ၍ ဒေသတွင်းရှိ ကျောင်းသားများသည် “တိုင်းပြည်၏ သမိုင်းနှင့် ဖွံ့ဖြိုးတိုးတက်မှု၊ အမျိုးသားလုံခြုံရေး အရေးကြီးမှု၊ နိုင်ငံတော်အလံ၊ နိုင်ငံတော်အထိမ်းအမှတ်နှင့် နိုင်ငံတော်သီချင်းတို့ကို နားလည်ရန်” ရည်ရွယ်သည့် သင်ခန်းစာသစ်များ သင်ယူရရှိမည်ဖြစ်သည်။

 မူလတန်းကျောင်းသားများအား နိုင်ငံတော်သီချင်းကို သီဆိုခြင်းနှင့် အလံတင်ခြင်းများကို သင်ကြားပေးလိမ့်မည်။ ပိုကြီးသော ကလေးများသည် ဥပဒေ၏ နောက်ခံအကြောင်းအရင်းနှင့် ပြည်သူ့လွတ်မြောက်ရေး တပ်မတော်ကဲ့သို့ အဖွဲ့အစည်းများ၏ အရေးပါပုံကို ဆွေးနွေးကြလိမ့်မည်။

နိုင်ငံတကာ ကျောင်းများသည် တရုတ်အစိုးရမှ ထုတ်ပြန်သော လမ်းညွှန်ချက်အသစ်များမှ ကင်းလွတ်ခွင့်မရပေ။

ပုဂ္ဂလိကပညာရေး အဖွဲ့အစည်းများသည် ပညာရေးဗျူရို၏ ထိန်းချုပ်မှုအောက်တွင် မရှိသော်လည်း ကြာသပတေးနေ့က ထုတ်ပြန်သော စည်းမျဉ်းများတွင် နိုင်ငံတကာနှင့် ပုဂ္ဂလိကကျောင်းများသည်“ ကျောင်းသားများ (လူမျိုးနှင့် နိုင်ငံသားရေး မခွဲခြားဘဲ)သည်  အမျိုးသားလုံခြုံရေးနှင့် အမျိုးသားလုံခြုံရေးဥပဒေ သဘောတရားအား မှန်ကန်တိကျသော နားလည်မှုရှိစေရန် အပြင် ကျောင်းသားများအကြား ဥပဒေလိုက်နာရန် စိတ်ဓာတ်မွေးမြူတတ်စေရန် ကူညီရန် တာဝန်ရှိသည်”ဟု ဖော်ပြထားသည်။

 မကြာသေးမီက ယူကေသည် ဟောင်ကောင်တွင် ခန့်မှန်းခြေ သုံးသန်းခန့်ရှိသည့် နိုင်ငံရပ်ခြား နိုင်ငံကူးလက်မှတ် ကိုင်ဆောင်ထားသူများအတွက် ပြန်လည်နေရာချထားရေး အစီအစဉ်ကို စတင်ခဲ့သည်။ ပေကျင်းသည် အစီအစဉ်ကို ဒေါသတကြီး တုံ့ပြန်ခဲ့ပြီး BN (O) စာရွက်စာတမ်းများကို အသိအမှတ်ပြုတော့မည် မဟုတ်ဟု ပြောကြားခဲ့သော်လည်း လူပေါင်း ၃၀၀,၀၀၀ ခန့်သည် ယူကေသို့ ပြောင်းရွှေ့ရန် မျှော်လင့်နေကြသည်။

“အစုလိုက် အပြုံလိုက် ထွက်ခွါခြင်းသည့် ဖြစ်ပွားနေပြီဖြစ်ပြီး အထူးသဖြင့် ကလေးငယ်များရှိသော မိသားစုများအတွက် ဖြစ်သည်”ဟု အတိုက်အခံ ဥပဒေပြုအမတ် Shumက ပြီးခဲ့သောနှစ်က ပြောခဲ့သည်။