ဖေဖော်ဝါရီ ၈ ရက်၊ ၂၀၂၁ ခုနှစ်
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးအကြံပေး ရှောင်တာနယ်ကိုလည်း ရဲတပ်ဖွဲ့က ဖမ်းဆီးထိမ်းသိမ်းထားကြောင်း ဆစ်ဒနီသံတော်ဆင့် (Sydney Morning Herald) က ဖေဖော်ဝါရီ ၇ ရက်နေ့တွင် ဖော်ပြထားသည်။
ရှောင်တာနယ်သည် ဆစ်ဒနီမက်ကွိုင်းယား တက္ကသိုလ်၏ တွဲဖက်ပါမောက္ခတစ်ဦးဖြစ်ပြီး ဒေါ်အောင်ဆန်းစုကြည်၏ စီးပွားရေးအကြံပေးအဖြစ် ၂၀၁၇ ခုနှစ်မှစတင်းပြီး အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်တွင်လုပ်ကိုင်ခဲ့သူဖြစ်သည်။ စစ်အာဏာသိမ်းပြီး နောက်တစ်နေ့ အင်တာနက်ဖြတ်တောက် ပြီးနောက် ရှောင်တာနယ်အဖမ်းခံခဲ့ရခြင်းဖြစ်သည်။
သို့သော် သူ့ကိုမည်သည့် ပုဒ်မဖြင့် ဖမ်းဆီးထားခြင်းကို အတည်ပြုနိုင်ခြင်းမရှိသေးပေ။
သြစတြေးလျ သံအမတ်ဟောင်းဖြစ်ခဲ့ဖူးတဲ့ ခရစ်တိုဖာ လမ့် Christopher Lamb က တတ်သိပညာရှင်တစ်ဦးသာဖြစ်ပြီး မည်သည့်နိုင်ငံရေးနှင့်မျှ ဆက်စပ်ခြင်းမရှိသူဟု ဆစ်ဒနီသံတော်ဆင့် သတင်းစာသို့ပြောကြားထားသည်။
ဒေါက်တာ ရှောင်တာနယ်အဖမ်းခံထားရသည့်ရဲစခန်းကို သြစတြေးလျသံရုံးက သွားရောက်ကြည့်ရှုခဲ့ပြီး၊ လတ်တလောတွင် နှိပ်စက်ခြင်းမတွေ့ရကြောင်း ခရစ်တိုဖာ က ပြောသည်။
စစ်တပ်အာဏာသိမ်းပြီး တစ်ရက်အကြာတွင် ဒေါက်တာရှောင်တာနယ်က "လတ်တလောတော့ လုံခြုံပါတယ်။ ဒါပေမဲ့ မြန်မာလူထုအပေါ်အခုလိုဖြစ်သွားတဲ့ဖြစ်ရပ်တွေအတွက် ကျနော်ကြေကွဲရပါတယ်။ သူတို့က အရဲရင့်ဆုံးနဲ့အကြင်နာတတ်ဆုံးလူတွေလို့ ကျနော်သိထားပါတယ်။ သူတို့ ဒီထက်မက အများကြီးထိုက်တန်ပါတယ်။" ဟုရေးသားထားခဲ့သည်။
သြစတြေးလျနိုင်ငံခြားရေးဝန်ကြီး Marise Payne က ၎င်းတို့ဖက်ဒရယ်အစိုးအနေဖြင့် သြစတြေးလျနိုင်ငံ သားများနှင့် အခြားနိုင်ငံခြားသားများဖမ်းဆီးခံထားရသည်ဆိုသော သတင်းကို လွန်စွာစိုးရိမ်မကင်းဖြစ်ရ ကြောင်း ရေးသားထားသည်။ မြန်မာနိုင်ငံရှိ သြစတြေးလျသံရုံးက ယင်းသတင်းကို ၎င်းတို့၏ ဖေးဘုတ်စာမျက်နှာတွင် တရားဝင်ထုတ်ပြန်ကြေညာထားခြင်းမရှိပါ။
Photo: Sydney Morning Herald
