ဖေဖော်ဝါရီလ ၅ ၊ ၂၀၂၁
နေပြည်တော်ရှိ စည်ပင်ဧည့်ရိပ်သာမှာ အနိုင်ရလွှတ်တော်ကိုယ်စားလှယ်တွေနဲ့ လွှတ်တော်ခေါ်ယူ ကျင်းပတာကို ထောက်ခံကြောင်း ရုပ်ရှင်သရုပ်ဆောင်တွေ၊ အဆိုတော်တွေက သူတို့ရဲ့ ဖေ့စ်ဘွတ်လူမှုကွန်ရက်ပေါ်မှာ ရေးသားခဲ့ကြပါတယ်။
ဖေဖော်ဝါရီလ ၁ ရက်နေ့ တပ်မတော်က အာဏာသိမ်းပြီးနောက် မကျင်းပလိုက်ရတဲ့ တတိယအကြိမ်လွှတ်တော်ကို နေပြည်တော် စည်ပင်ဧည့်ရိပ်သာမှာ အနိုင်ရလွှတ်တော်ကိုယ်စားလှယ်တွေ ပူးပေါင်းပြီး ဖေဖော်ဝါရီလ ၄ ရက်နေ့က ကျင်းပပြုလုပ်ခဲ့ကြတာ ဖြစ်ပါတယ်။
ဒီလိုလွှတ်တော်ခေါ်ယူတာကို ထောက်ခံကြောင်း ဖေဖော်ဝါရီလ ၄ ရက်နေ့အထိ တွေ့ရှိထားတဲ့ အနုပညာရှင်တချို့ရဲ့ လှုပ်ရှားမှုတွေကို ကြည့်လိုက်ကြရအောင်ပါ။
