စစ်အာဏာရှင်စနစ် ဆန့်ကျင်ကြောင်း ပထမဆုံး လမ်းပေါ်ထွက် ဆန္ဒပြသူတချို့ ဖမ်းဆီးခံရ 

စစ်အာဏာရှင်စနစ် ဆန့်ကျင်ကြောင်း ပထမဆုံး လမ်းပေါ်ထွက် ဆန္ဒပြသူတချို့ ဖမ်းဆီးခံရ 
ဓာတ်ပုံ - အောင်ကိုဦး

ဖေဖော်ဝါရီလ ၄ ၊ ၂၀၂၁

မန္တလေးမြို့ ဆေးတက္ကသိုလ်ရှေ့မှာ စစ်အာဏာရှင်ကို ဆန့်ကျင်ကြောင်း ဖေဖော်ဝါရီလ ၄ ရက်နေ့ မနက်ပိုင်းက လမ်းပေါ်ထွက် ဆန္ဒပြခဲ့ကြသူတွေအနက် ဒီကနေ့ နေ့လည်ပိုင်းအထိ လေးဦးထက်မနည်း ဖမ်းဆီးခံလိုက်ရတယ်လို့ ဆန္ဒပြရာမှာ ပါဝင်သူတချို့က သူတို့ရဲ့ ဖေ့စ်ဘွတ်မှာ ရေးသားခဲ့ကြပါတယ်။ 

ဒီကနေ့ မန္တလေးမြို့ ဆေးတက္ကသိုလ်ရှေ့မှာ ဆန္ဒပြတာဟာ ပထမဦးဆုံး လမ်းပေါ်ထွက် ဆန္ဒပြရာမှာ ဖမ်းဆီးခံလိုက်ရတာဖြစ်ပြီး ဆန္ဒပြပွဲကိုတော့ လူငယ် ၂၀ နီးပါးလောက် ပါဝင်ခဲ့ကြတာ တွေ့ရပါတယ်။ 

ဆန္ဒပြသူတွေဟာ အာဏာသိမ်းအစိုးရ အလိုမရှိ၊ ဖမ်းဆီးခံ နိုင်ငံခေါင်းဆောင်တွေကို ချက်ချင်းပြန်လွှတ်ပေးရေးနဲ့ စစ်အာဏာရှင် စနစ်ကျဆုံးရေး စတာတွေကို ကြွေးကြော်ပြီး ဆန္ဒဖော်ထုတ်ခဲ့ကြတာပါ။ 

ဆန္ဒပြသူတွေရဲ့ လက်ထဲမှာတော့ စစ်အာဏာသိမ်းတာကို ကန့်ကွက်ကြောင်း၊ အကြမ်းဖက်မှု လူထုလက်မခံ၊ လက်နက်အားကိုးဝါဒ ဆန့်ကျင်ကြ၊ ဒီမိုကရေစီကို ကာကွယ်ကြ စတဲ့ စာသားပါ ပိုစာတာတွေကို ကိုင်ဆောင်ပြီး ဆန္ဒပြခဲ့ကြတာလည်း ဖြစ်ပါတယ်။ 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly