ရန်ကုန်၊ဖေဖော်ဝါရီ ၄
၂၀၂၀ အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD)ပါတီသည် အပြတ်အသတ်အနိုင်ရရှိ ကာ ၂၀၂၁ ခုနှစ်၌ အစိုးရသစ်ကို ဦးဆောင် ဖွဲ့စည်းခွင့်ရရှိထားသည်။ သို့သော် ရွေးကောက်ပွဲ ရလဒ်ကို ပြည်သူ့ ဆန္ဒနှင့် အညီ လက်ခံသွားမည်ဟု ရွေးကောက်ပွဲမတိုင်ခင်က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောခဲ့သော်လည်း ၂၀၂၁ ခုနှစ်၊ဖေဖော်ဝါရီ ၁ ရက်က အာဏာသိမ်းလိုက်သည်။
ထိုသို့ အာဏာသိမ်းပြီးနောက် သမ္မတဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် ဒီမိုကရေစီလိုလားသူများ၊ ကျောင်းသားခေါင်းဆောင်များ၊ တိုင်းဒေသကြီးနှင့်ပြည်နယ် ဝန်ကြီးချုပ် အပြင် အစိုးရအဖွဲ့ဝင်များကို ဖမ်းဆီးထားသည်။
အဆိုပါ အခြေအနေများနှင့် ပတ်သက်ပြီး ပြည်သူ့ပါတီ(PP)က ပြည်သူ့ဆန္ဒနှင့်အညီ ရွေးကောက်ပွဲရလဒ်ကို အသိအမှတ်ပြု လေးစားရန်၊ ဖမ်းဆီးထားသူများကို အပြန်ဆုံးပြန်လွှတ်ပေးရန်၊ ငြိမ်းချမ်းစွာ ညှိနှိုင်းဖြေရှင်းကြ ရန် ဖေဖော်ဝါရီ ၃ ရက်က တိုက်တွန်း ထုတ်ပြန်ထားသည်။
အထက်ပါ အခြေအနေများနှင့် ပတ်သက်ပြီး ပြည်သူ့ပါတီ(PP)ဥက္ကဋ္ဌ ဦးကိုကိုကြီးအား မဇ္ဈိမ မီဒီယာမှ အယ်ဒီတာ ချစ်မင်းထွန်းက ဆက်သွယ် မေးမြန်းထားပါသည်။
#Mizzima
#MizzimaExclusiveInterview
#KoKoGyi
#ChitMinTun
