ဒီဇင်ဘာ ၅
မလေးရှားနိုင်ငံမှာ ကပ်ရောဂါကာလအတွင်း ရွှေဝယ်လိုအားတွေမြင့်တက်လာနေပြီး ကျွမ်းကျင်ရင်းနှီးမြှုပ်နှံသူတွေသာမက လုပ်ငန်းငယ်လေးတွေကပါ စိတ်ချရတဲ့လူသုံးကုန်ပစ္စည်းအနေနဲ့ ရွှေကို စုဆောင်းနေကြတာဖြစ်ပါတယ်။
ကိုတာဘာရူးမြို့ ရွှေဆိုင်တစ်ဆိုင်က ပန်းထိမ်အလုပ်ရုံတစ်ခုမှာလည်း ပန်းထိမ်ပညာရှင်တွေက ရွှေကိုအရည်ကျို ပုံသွင်းပြီး လှပတဲ့လက်ဝတ်တန်ဆာတွေအဖြစ် ပုံဖော်လျက်ရှိပါတယ်။
အရှေ့တောင်အာရှနိုင်ငံတွေရဲ့စီးပွားရေး ကျဆင်းနေချိန်မှာ မက်ခ်မာ (Makmur Gold ) ရွှေကုမ္ပဏီဟာ ဒီနှစ်အတွင်းမှာ စီးပွားရေးကောင်းလို့နေပါတယ်။
ကုမ္ပဏီပိုင်ရှင် မူဟာမက် နာဟစ်ရမ်က “စီးပွားရေးကမတည်ငြိမ်ဘူးဆိုတာ တစ်ကမ္ဘာလုံးသိလာပြီး ကိုဗစ်-၁၉ ဖြစ်ပြီးတဲ့နောက်မှာ ရွှေလုပ်ငန်းက ပိုပြီးအားကောင်းလာတယ်” လို့ ဆိုပါတယ်။
ရွှေဝယ်သူတစ်ဦးဖြစ်တဲ့ နော်ဖာဇီလာ ဆိုသူကတော့ “ အမျိုးသမီးတွေက အလှအပအတွက် ရွှေဝယ်ကြပါတယ်။ ဒါပေမယ့် တကယ်တော့ ရွှေကိုဝယ်ထားတာဟာ အနာဂတ် ရင်းနှီးမြှုပ်နှံဖို့အတွက် အကျိုးရှိပါတယ်” လို့ပြောပါတယ်။
ဒီနှစ်မှာ ကပ်ရောဂါအရှိန်ရလာပြီး စတော့ဈေးကွက်တွေ ထိုးကျသွားချိန်မှာ ရွှေဈေးဟာ မြင့်တက်လာခဲ့ပြီး ဩဂုတ်လတုန်းက တစ်အောင်စကို အမေရိကန်ဒေါ်လာ ၂ ၀၀၀ အထိ ရောက်ရှိခဲ့တာဖြစ်ပါတယ်။
ဝယ်သူတွေက သူတို့ငွေကြေးတွေကို လုံခြုံတဲ့နေရာမှာ မြှုပ်နှံထားချင်နေကြတာကြောင့် ပြီးခဲ့တဲ့ရှစ်လအတွင်းက မက်ခ်မာရွှေကုမ္ပဏီဟာ မလေးရှားရင်းဂစ် သန်း ၈၀ (အမေရိကန်ဒေါ်လာ ၁၉.၅) သန်းဖိုးအထိ စံချိန်တင်ရောင်းခဲ့ရပါတယ်။
လက်ကောက်၊ လက်စွပ်ကနေ ရွှေချောင်း အထိ ပုံစံမျိုးစံကို အွန်လိုင်းနဲ့ လက်ခွဲရွှေဆိုင်တွေကနေ ရောင်းချနိုင်ခဲ့တာဖြစ်ပါတယ်။