အောက်တိုဘာ ၂၈
မန္တလေးတိုင်းဒေသကြီး ပုသိမ်ကြီးမြို့နယ် ရွှေစာရံကျေးရွာ အုပ်စု ကျောက်ချောကျေးရွာ အနီးရှိ ၁၆ မိုင် စစ်ဆေးရေးဂိတ်အနီးတွင် အောက်တိုဘာလ ၂၈ ရက် ည ၇ နာရီကျော်က ချိန်ကိုက်ဗုံးဟု ယူဆရသော ဗုံးတစ်လုံးတွေ့ရကြောင်း အစိုးရ အရာရှိတစ်ဦးအပြောအရ သိရသည်။
Photo - Ko Nanda
စစ်ဆေးရေးဂိတ်တွင် တာဝန်ထမ်းဆောင်နေသည့် အမှတ် ၉၁၀ အင်ဂျင်နီယာတပ်က တပ်သား နှစ်ဦးက ဗုံးကို စတင်တွေ့ရှိခဲ့ရခြင်းဖြစ်ကြောင်း ကနဦး သတင်းများအရ သိရသည်။
လက်ရှိမှာ ရှာဖွေရှင်းလင်းရေးတွေပြုလုပ်နေပြီး ကားတွေကိုတော့ ဖြတ်သန်းခွင့် တားမြစ်ထားသည်။
