အောက်တိုဘာ ၂၆၊ ၂၀၂၀
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်က မန်ကျီးပေါက်ကုန်းအုပ်စု ကျောက်ဖူးကျေးရွာတွင်နေထိုင်သည့် အသက် လေးနှစ်အရွယ် မိန်းကလေးငယ်တစ်ဦးသည် ပြီးခဲ့သည့် အောက်တိုဘာ ၁၈ ရက်နေ့၊ ညနေ ၄ နာရီဝန်းကျင်က သူငယ်ချင်းများနှင့် ဆော့ကစားရင်း ပျောက်ဆုံးသွားခဲ့သည်။
ပျောက်ဆုံးသွားသည့် ကလေးငယ်ကို ကျောက်ဖူးကျေးရွာနှင့် ကံသုံးဆင့်ကျေးရွာအကြား လယ်ကွင်းထဲတွင် အောက်တိုဘာ ၂၆ ရက်နေ့ နံနက် ၉ နာရီဝန်းကျင်က သူ့မိသားစုမှ တွေ့ရှိခဲ့ခြင်း ဖြစ်သည်။
ကလေးငယ်အတွက် ဘုရားတွင် ဆုတောင်းရန်သွားရင်း လယ်ကွင်းထဲမှ အပုပ်နံ့ရသောကြောင့် ကျေးရွာတာဝန်ရှိသူများနှင့် ရှာဖွေခဲ့ရာမှ တွေ့ရှိခဲ့ခြင်း ဖြစ်သည်။
ကလေးငယ် အလောင်းကိုမူ ရဲတပ်ဖွဲ့မှ စစ်ဆေးချက်များ ဆက်လက် လုပ်ဆောင်နေကြောင်း သိရသည်။