ပြီးခဲ့တဲ့လက ကွယ်လွန်သွားတဲ့ အမေရိကန် တရားရုံးချုပ် တရားသူကြီး Ruth Bader Ginsburg နေရာမှာ တရားသူကြီး Amy Coney Barrett ကို ခန့်အပ်ရေးကြားနာပွဲကို အမေရိကန် အထက်လွှတ်တော်မှာ ပြီးခဲ့တဲ့ သတင်းပတ်က ကျင်းပခဲ့တာပါ။ သြဇာတိက္ကမ ကြီးမားလှတဲ့ တရားရုံးချုပ်တရားသူကြီး နေရာတွေဟာ ရာသက်ပန်ဖြစ်တာကြောင့် ဒီ တရားသူကြီးနေရာနဲ့ ပတ်သက်လို့ သမ္မတရွေးကောက်ပွဲ ယှဉ်ပြိုင်နေကြတဲ့ လက်ရှိသမ္မတ Donald Trump နဲ့ ပြိုင်ဘက် Joe Biden တို့ကြားမှာ အထူး အာရုံစိုက်စရာ ဖြစ်ရတာပါ။ ဗွီအိုအေသတင်းထောက် Patsy Widakuswara ရဲ့သတင်း ဆောင်းပါးကို မခွါညို ပြောပြပေးပါမယ်။