အောက်တိုဘာ ၁၆ ရက်နေ့က အမေရိကန်သမ္မတဒေါ်နယ်ထရမ့်ဟာ အသက် ၅၀ ကျော်၊ ၆၀ အထက် မဲဆန္ဒရှင်တွေအများဆုံး ပြည်နယ်တခုဖြစ်တဲ့ ဖလော်ရီဒါမှာ မယ်ဆွယ်ခဲ့ရာမှာ အမေရိကန် လူကြီးပိုင်းတွေကို ကပ်ရောဂါဘေးကနေ အကာအကွယ်ပေးပါ့မယ်လို့ ကတိပေး သွားပါတယ်။ ထရမ့်ပ်ဟာ ၂၀၁၆ တုန်းက အသက်ကြီးပိုင်း နိုင်ငံသားတွေရဲ့မဲတွေကို တော်တော်ရခဲ့ပေမဲ့ အခုနောက်ဆုံး စစ်တမ်းတွေအရ  ဒီလူကြီးမဲတွေဟာ ဒီမိုကရက်သမ္မတလောင်း ဂျိုးဘိုင်ဒန်ဘက်ကို ပိုရောက်သွားတာ တွေ့ရပါတယ်။  VOA ရဲ့ အိမ်ဖြူတော် သတင်းထောက် Patsy Widakuswara ရဲ့သတင်းလွှာကို မခွါညို တင်ဆက်ပေးထားပါတယ်။