စက်တင်ဘာ ၈
ဟယ်ရီပေါ်တာ၏ နိုင်ငံတကာပရိသတ်အဖွဲ့တစ်ခုသည် အွန်လိုင်းတွင် မတ်တတ်တံမြက်စည်းကို တစ်ပြိုင်နက်တည်း လူအရေအတွက် အများဆုံး စီးပြပြီး ကမ္ဘာ့ဂင်းနစ်စံချိန် မှတ်တမ်းတစ်ခုကို ချိုးဖျက်ရန် ပြီးခဲ့သည့် ရက်ပိုင်းက အွန်လိုင်းပေါ် အတူတကွ စုဝေးခဲ့ကြသည်။
စာရေးဆရာမ J.K. Rowling နှင့် Emily Gravett တို့၏ Quidditch Through the Ages စာအုပ် အောက်တိုဘာ ၆ ရက်တွင် ထွက်ရှိမည့်အပေါ် ဂုဏ်ပြုသည့်အနေဖြင့် အဆိုပါ အခမ်းအနားကို Bloomsbury Publishing က စီစဉ်ခဲ့ခြင်း ဖြစ်သည်။
အဆိုပါ အွန်လိုင်းတွင် တံမြက်စည်း စီးသည့် အစီအစဉ်တွင် ဟယ်ရီပေါ်တာ ပရိသတ်များဖြစ်သည့် အိမ်ထောင်စုပေါင်း ၁၃၃ ခု ပါဝင်ခဲ့သည်ဟု Bloomsbury Publishing က ပြောသည်။
ဗြိတိန်၊ သြစတြေးလျ၊ အိန္ဒိယ၊ စပိန်၊ ကနေဒါ၊ ပြင်သစ်၊ ချက်သမ္မတနိုင်ငံ၊ အီတလီ၊ ဂျပန်၊ ဟောင်ကောင်၊ ဘရာဇီး၊ တောင်အာဖရိက၊ အိုမန်၊ အမေရိကန်နှင့် ဖိလစ်ပိုင် အပါအဝင် မတူညီသော နိုင်ငံပေါင်း ၄၀ မှ အိမ်ထောင်စု များ ပါဝင်ခဲ့ကြသည်ဟု Bloomsbury Publishing က ပြောသည်။
ပါဝင်ခဲ့ကြသည့် အိမ်ထောင်စု ၁၃၃ ခုစလုံးသည် ဟယ်ရီပေါ်တာစီးရီးများထဲမှ Quidditch ကစားသမားများစတိုင်အတိုင်း တံမြက်စည်းများကို စီးပြခဲ့ကြချိန် စံချိန်သစ်ကို အတည်ပြုရန်အတွက် live stream ထုတ်လွှင့်ရာ တွင် ဂင်းနစ်စံချိန် ကိုယ်စားလှယ်တစ်ဦးလည်း ရှိနေခဲ့သည်။