ရွေးကောက်ပွဲ ငြိမ်းချမ်းစွာပြီးစီးခြင်းကြောင့် မြန်မာပြည်သူများအား အိန္ဒိယ ချီးကျုးဂုဏ်ယူ

ရွေးကောက်ပွဲ ငြိမ်းချမ်းစွာပြီးစီးခြင်းကြောင့် မြန်မာပြည်သူများအား အိန္ဒိယ ချီးကျုးဂုဏ်ယူ

မြန်မာနိုင်ငံတွင် နိုဝင်ဘာ ၈ ရက်က ကျင်းပသည့် ရွေးကောက်ပွဲတွင် စည်းကမ်းတကျ ပါဝင်ခဲ့ကြသည့် မြန်မာပြည်သူများအား အိန္ဒိယနိုင်ငံက ဂုဏ်ယူကြောင်း နိုဝင်ဘာ ၁၁ ရက်က ပြောကြားခဲ့သည်။

"အိန္ဒိယအစိုးရနဲ့ ပြည်သူတွေက အိမ်နီးချင်းမြန်မာနိုင်ငံရဲ့ ဒီမိုကရေစီသို့ ဦးတည်နေခြင်းအပေါ် ကြိုဆိုပါတယ်။ ရွေးကော်ပွဲမှာ စည်းကမ်းတကျနဲ့ ပါဝင်ခဲ့တဲ့ မြန်မာပြည်သူများအားလည်း ဂုဏ်ယူပါတယ်။ ထွက်ပေါ်လာမည့် ရွေးကောက်ပွဲရလဒ်ကလည်း ပါတီအဖွဲ့အစည်းတိုင်းအားလုံးက အလေးထားလိမ့်မယ်လို့လည်း ယုံကြည်ထားပါတယ်။"ဟု အိန္ဒိယနိုင်ငံခြားရေးဝန်ကြီးဌာနက ထုတ်ပြန်သည်။

မိတ်ရင်းဆွေရင်း ဒီမိုကရေစီနိုင်ငံဖြစ်သည့် အိန္ဒိယနိုင်ငံအနေဖြင့် မြန်မာရွေးကောက်ပွဲတွင် အိန္ဒိယရွေးကောက်ပွဲကော်မရှင်မှ စောင့်ကြည့်လေ့လာရေးအဖွဲ့ဝင် သုံးဦးအား စေလွှတ်ခဲ့ကြောင်းလည်း ထုတ်ပြန်ချက်တွင် ဖော်ပြသည်။

ရွေးကောက်ပွဲတွင် အာဏာရပါတီ ပြည်ခိုင်ဖြိုးက မရှုမလှ မဲများရှုံးလျက်ရှိနေသည်။ NLD ပါတီက ၇၅ ရာခိုင်နှုန်း နိုင်ခြေပေါ်နေကြောင်း ဒေါ်အောင်ဆန်းစုကြည်က ပြောသည်။

နိုဝင်ဘာ ၈ ရွေးကောက်ပွဲ ရလဒ်အပြည့်အစုံကို လာမည့်ရက်အနည်းငယ်အတွင်း ထုတ်ပြန်မည် မျှော်လင့်ပြီး လာမည့်နှစ်စတွင် အစိုးရသစ် စတင်တက်လာမည်ဖြစ်သည်။

Ref: The Statesman

Mizzima Weekly