စက်တင်ဘာ ၁
ရန်ကုန်တိုင်းဒေသကြီးအတွင်းရှိ မြို့နယ် ခုနှစ်ခုကို Stay at Home ကာလအဖြစ် ကျန်းမာရေးနှင့် အားကစားဝန်ကြီးဌာနက စက်တင်ဘာလ ၁ ရက်နေ့ ညနေပိုင်းတွင် သတ်မှတ် ကြေညာလိုက်သည်။
လတ်တလော ဖြစ်ပေါ်နေသည့် ကိုဗစ် ၁၉ ရောဂါကူးစက်ခံရသူများတွင် ခရီးသွား ရာဇဝင်မရှိ၊ ကိုဗစ် ၁၉ အတည်ပြု လူနာနှင့် ထိတွေ့မှုမရှိဘဲ ကူးစက်ခံရသူများပြားလာသဖြင့် ရောဂါပျံ့နှံကူးစက်မှုကို ထိန်းချုပ်ရန်အတွက် Stay at Home အဖြစ် သတ်မှတ်ခြင်းဖြစ်ကြောင်း ဖော်ပြထားသည်။။
Photo - AFP
ရန်ကုန်တိုင်းဒေသကြီးအတွင်း Stay at Home အဖြစ်သတ်မှတ်လိုက်သော မြို့နယ်များမှာ သင်္ဃန်းကျွန်းမြို့နယ်၊ အင်းစိန်မြို့နယ်၊ မြောက်ဥက္ကလာပမြို့နယ်၊ သာကေတမြို့နယ်၊လှိုင် မြို့နယ်၊
ပုဇွန်တောင်မြို့နယ်နှင့် မင်္ဂလာဒုံ မြို့နယ်တို့ဖြစ်သည်။
ထိုမြို့နယ်တွင် Stay at Home အဖြစ်သတ်မှတ်ကြေညာချက်တွင် အချက် ၆ ချက် ပါဝင်ပြီး စက်တင်ဘာလ ၂ ရက်နေ့ နံနက် ၈ နာရီမှ စတင်ကာ အသက်ဝင်တော့မည်ဖြစ်သည်။
ကျန်းမာရေးနှင့် အားကစားဝန်ကြီးဌာန၏ စက်တင်ဘာလ ၁ ရက်နေ့ ည ၈ နာရီ ထုတ်ပြန်ချက်တွင် ကိုဗစ် ၁၉ အတည်ပြု လူနာသစ် ၃၂ ဦး တွေ့ရှိပြီး မြန်မာတစ်နိုင်ငံလုံး အတိုင်းအတာအရ ကိုဗစ် ၁၉ အတည်ပြု လူနာ စုစုပေါင်းမှာ ၉၁၉ ဦး ရှိပြီ ဖြစ်သည်။