ဟုမ္မလင်းမြို့နယ်တွင် NLD နိုင်

မန္တလေး၊ နိုဝင်ဘာလ ၁၀။ ။ စစ်ကိုင်းတိုင်းဒေသကြီး၊ ဟုမ္မလင်းမြို့နယ်တွင် ပြည်သူ့လွှတ်တော်၌ အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ်လောင်း ဦးမျိုးညွှန့် က ၃၄၇၉၇ မဲနှင့် အနိုင်ရရှိခဲ့ပြီး တိုင်းလိုင်(ရှမ်းနီ)မှ ပြည်သူ့လွှတ်တော်ကိုယ်စားလှယ်လောင်း ဦးမောင်ထွန်းက ၂၉,၆၁၃ မဲနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်သူ့လွှတ်တော် ကိုယ်စားလှယ်လောင်း ဦးဝင်းခေါင် က ၁၁,၀၃၇ မဲတို့သာ ရရှိရှုံးနိမ့်ခဲ့သည်။

တိုင်းဒေသကြီး(၁)တွင် အမျိုးသားဒီမိုကရေစီအဖွဲ့ချုပ်မှ တိုင်းဒေသကြီးလွှတ်တော် ကိုယ်စားလှယ်လောင်း ဦးဝေဖြိုး က ၂၁၀၄၂ မဲဖြင့် အနိုင်ရရှိခဲ့ပြီး တိုင်းလိုင် (ရှမ်းနီ)က တိုင်းဒေသကြီးလွှတ်တော် ကိုယ်စားလှယ်လောင်း ဦးသက်တင် က ၂၀၈၅၈ မဲနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ တိုင်းဒေသကြီး လွှတ်တော်ကိုယ်စားလှယ်လောင်း ဦးသန်းဝေ က ၇၄၉၄ မဲဖြင့် ရှုံးနိမ့်ကြသည်။

ထို့အပြင် တိုင်းဒေသကြီး(၂)တွင် အမျိုးသားဒီမိုကရေစီအဖွဲ့ချုပ် မှ တိုင်းဒေသကြီး လွှတ်တော်ကိုယ်စားလှယ်လောင်း ဦးကျော်ဌေးလွင် က ၁၂,၄၄၂ မဲဖြင့်အနိုင်ရရှိပြီး တိုင်းလိုင် (ရှမ်းနီ)မှ တိုင်းဒေသကြီး လွှတ်တော်ကိုယ်စားလှယ်လောင်း ဦးစိုင်းနေမျိုးအောင် က ၇၃၈၉ မဲနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ တိုင်းဒေသကြီး လွှတ်တော်ကိုယ်စားလှယ်လောင်း ဦးခင်မောင်ဆွေ က ၃၄၅၇ မဲတို့ရရှိကာ ရှုံးနိမ့်ခဲ့ကြသည်။

Mizzima Weekly