ထောက်ခံသူတစ်ဦးက အောင်ပွဲအထိမ်းအမှတ် ဒေါ်အောင်ဆန်းစုကြည်ကို ပတ္တမြားရင်ထိုး လက်ဆောင်ပေး

ထောက်ခံသူတစ်ဦးက အောင်ပွဲအထိမ်းအမှတ် ဒေါ်အောင်ဆန်းစုကြည်ကို ပတ္တမြားရင်ထိုး လက်ဆောင်ပေး

ရန်ကုန်၊ နိုဝင်ဘာ - ၁၁ ။         ။ ဒေါ်အောင်ဆန်းစုကြည်ကို အများပြည်သူက ကြည်ညိုလေးစားသည့် ဥပမာတစ်ခုအနေဖြင့် အသက် ၇၀ တွင်း အမျိုးသမီးကြီးတစ်ယောက်က အတိုက်အခံခေါင်းဆောင်၏ အိမ်သို့ ကိုယ်တိုင်ကိုယ်ကျ လာရောက်ပြီး မြန်မာနိုင်ငံမြေပုံပုံ ရွှေကွပ်ထားသည့် ပတ္တမြားရင်ထိုးကို လက်ဆောင်ပေးသွားခဲ့သည်ဟု ဝါရှင်တန်ပို့စ်သတင်းတွင် ဖော်ပြထား သည်။

‘ဒီရင်ထိုးကို ကျမ နှစ်ပေါင်း၄၀ကျော် ထိန်းသိမ်းထားခဲ့တာ အခုတော့ ဒေါ်အောင်ဆန်းစုကြည်ဝတ်ဖို့ အချိန်ရောက်လာပြီ။ ဒါဟာ သူမရဲ့ အောင်မြင်မှုအတွက် လက်ဆောင်ပါ’’ဟု ဒေါ်ဌေးဌေးအေးက သတင်းထောက်များကို ပြောကြားခဲ့သည်။

အမျိုးသမီးကြီးကို ဒေါ်အောင်ဆန်းစုကြည်၏ အိမ်ခြံဝင်းအတွင်းသို့ ဝင်ခွင့်ပြုခဲ့သော်လည်း အတိုက်အခံခေါင်းဆောင်မှာ အစည်းအဝေးထိုင်နေသောကြောင့် တွေ့ခွင့်မရခဲ့ဘဲ ရင်ထိုးကို လုံခြုံရေးအစောင့် တစ်ယောက်ထံသို့သာ အပ်နှံခဲ့ရသည်ဟု ဆိုသည်။ ဒေါ်အောင်ဆန်းစုကြည်မှာ ပါတီခေါင်းဆောင်များနှင့် အစည်းအဝေးထိုင်နေသည်ဟု ဆိုသည်။

စစ်အာဏာရှင်စနစ်အောက်တွင် ဆယ်စုနှစ်များစွာ ကိုယ်ကျိုးစွန့် ရုန်းကန်ခဲ့သောကြောင့် သူမကို အကြီးအကျယ် လေးစားထောက်ခံကြရာ မြန်မာနိုင်ငံတွင် သမိုင်းဝင်ရွေးကောက်ပွဲတွင် ဒေါ်အောင်ဆန်းစုကြည်၏ အတိုက်အခံပါတီက တောင်ပြိုကမ်းပြို အနိုင်ရဖွယ်ရှိနေသောကြောင့် ထောက်ခံသူများမှာ စိတ်လှုပ်ရှား တက်ကြွနေကြသည်ဟု ဆိုသည်။

Mizzima Weekly