ရွေးကောက်ပွဲရလဒ်ကို လေးစားရန် နယူးဇီလန်အစိုးရ တိုက်တွန်း

ရွေးကောက်ပွဲရလဒ်ကို လေးစားရန် နယူးဇီလန်အစိုးရ တိုက်တွန်း

မြန်မာနိုင်ငံ အထွေထွေရွေးကောက်ပွဲတွင် မဲဆန္ဒရှင်ပြည်သူများ၏ ဆန္ဒကို အားလုံးသောပါတီအဖွဲ့အစည်းများက လေးစားကြရန် နယူးဇီလန်အစိုးရက တိုက်တွန်းလိုက်သည်။

"ယခုရွေးကောက်ပွဲက မြန်မာနိုင်ငံဒီမိုကရေစီအသွင်ကူးပြောင်းရေးအတွက် အရေးကြီးသော သမိုင်းမှတ်တိုင်ဖြစ်ပြီး ပါတီအဖွဲ့အစည်းတိုင်းက ရွေးကောက်ပွဲရလဒ်အပေါ် လေးစားမှုရှိကြရန်လိုကြောင်း" ဝန်ကြီးချုပ်နှင့် ပူးတွဲနိုင်ငံခြားရေးဝန်ကြီးဖြစ်သူ ဂျွန်ကီးက ထုတ်ပြန်ချက်တွင် ဖော်ပြသည်။

"မြန်မာပြည်သူပြည်သားများ၊ ကိုယ်စားရှယ်များနှင့် ရွေးကောက်ပွဲအာဏာပိုင်များအားလုံးတို့အား မဲဆန္ဒပေးရွေးကောက်ပွဲတွင် ပါဝင်ယှဉ်ပြိုင်ကာ စည်းကမ်းတကျ ကျင်းပနိုင်ခြင်းကြောင့်လည်း ချီးကျုးဂုဏ်ပြုသည်။"ဟုလည်း ရေးသားဖော်ပြထားသည်။

"နယူးဇီလန်က မဲပေးရာတွင် အကူအညီအဖြစ် စောင့်ကြည့်လေ့လာသူများ စေလွှတ်ခဲ့ကြောင်း၊ မြန်မာဒီမိုကရေစီ အရွှေ့အပြောင်းမှာ အခွင့်အလမ်းများ ထောက်ကူပြုသွားရေး ကျွန်တော်တို့ ဆက်လက်ဆောင်ရွက်ပေးသွားမည်ဖြစ်ကြောင်း"လည်း ထုတ်ပြန်ချက်တွင် ဖော်ပြသည်။

နိုဝင်ဘာ ၈ ရွေးကောက်ပွဲ ရလဒ်အပြည့်အစုံကို လာမည့်ရက်အနည်းငယ်အတွင်း ထုတ်ပြန်မည် မျှော်လင့်ပြီး လာမည့်နှစ်စတွင် အစိုးရသစ် စတင်တက်လာမည်ဖြစ်သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly