ရိုဟင်ဂျာများအား မြန်မာနိုင်ငံက အကာအကွယ်ပေးရန် ICJ အမိန့်ချ

ရိုဟင်ဂျာများအား မြန်မာနိုင်ငံက အကာအကွယ်ပေးရန် ICJ အမိန့်ချ
Photo: EPA

မြန်မာနိုင်ငံအနေဖြင့် နိုင်ငံတွင်းရှိ မွတ်စလင်ရိုဟင်ဂျာများအား ဖိစီးနှိပ်စက်မှုများ၊ ရက်စက်ကြမ်းကြုတ်မှုများမှ အကာအကွယ်ပေးရန်နှင့် ၎င်းတို့အပေါ် ကျုးလွန်သော စွပ်စွဲထားသည့် ရာဇဝတ်မှု သက်သေများကို မပျက်မစီးအောင် ကာကွယ်ရန် အားချင်းလုပ်ငန်းစဉ်များ အကောင်အထည်ဖော်ရေး အပြည်ပြည်ဆိုင်ရာ တရားရုံး ICJ က ဇန်နဝါရီ ၂၃ ရက်၌ အမိန့်ချမှတ်လိုက်သည်။

မြန်မာနိုင်ငံသည် ၁၉၄၈ သဘောတူညီချက်ကို ချိုးဖောက်ပြီး ရိုဟင်ဂျာများအပေါ် လူမျိုးတုံးသတ်ဖြတ်မှုများ ကျုးလွန်သည်ဟု စွပ်စွဲရင်း မွတ်စလင်အများစု ဂမ်ဘီယာနိုင်ငံက နှစ်နိုင်ငံကြား အငြင်းပွားမှုအတွက် ကုလသမဂ္ဂ၏ အမြင့်ဆုံးအဖွဲ့ဖြစ်သော ICJ သို့ နိုဝင်ဘာလအတွင်းက အမှုစွဲတင်ခဲ့ခြင်း ဖြစ်သည်။

ယနေ့ ICJ ၏ အမိန့်သည် လူမျိုးတုံးသတ်ဖြတ်မှု၌ တားဆီးကာကွယ်ပေးရေး ကြားဖြတ်လုပ်ငန်းစဉ်များ ချမှတ်ပေးရေးအတွက် ဂမ်ဘီယာက လျှောက်လဲချက်ကို လက်ခံကာ မြန်မာနိုင်ငံအပေါ် မဖြစ်မနေ လိုက်နာရမည့် အမိန့်ကို ချမှတ်လိုက်ခြင်းပင် ဖြစ်သည်။

ICJ ၏ နောက်ဆုံး ဆုံးဖြတ်ချက်အမိန့်ချရန်မှာ နှစ်များစွာ ကြာမြင့်နိုင်ဦးမည်ဖြစ်သော်လည်း တရားသူကြီး ၁၇ ဦးပါ ခုံအဖွဲ့က ရိုဟင်ဂျာများသည် အန္တရာယ်အတွင်း ကျရောက်နေသည်ဟု ယုံကြည်လျက် ၎င်းတို့အား အကာအကွယ်ပေးရမည်ဆိုကာ တစ်ညီတစ်ညွတ်တည်း သဘောတူကြကာ ချမှတ်လိုက်သော အမိန့်ပဲ ဖြစ်သည်။

ရိုဟင်ဂျာများသည် လူမျိုးတုံးသတ်ဖြတ်မှု၏ စိုးရိမ်ရသော ဘေးအန္တရာယ်အတွင်းမှာ ရှိနေဆဲဖြစ်သည်ဟု သဘာပတိမူသော တရားသူကြီး အက်ဒူကာဝီယူစွတ်က ဆုံးဖြတ်ချက်အနှစ်ချုပ်အား ဖတ်ကြားစဉ်အတွင်း ပြောဆိုသည်။ မြန်မာနိုင်ငံအနေဖြင့် ၁၉၄၈ လူမျိုးတုံးသတ်ဖြတ်မှုဆိုင်ရာ ကွန်ဗင်ရှင်းမှ တားမြစ်ထားသော လုပ်ဆောင်ချက်များအားလုံးကို တားဆီးကာကွယ်ရေးအတွက် အာဏာကုန်သုံးကာ လုပ်ငန်းစဉ်များအားလုံးကို ချမှတ််ဖော်ဆောင်သွားရမည်ဟု အဆိုပါ အမိန့်က ဆိုသည်။

ထိုသို့ ဖော်ဆောင်လုပ်ကိုင်သည့် အခြေအနေအားလည်း လေးလအတွင်း အစီရင်ခံရမည်ဟု ICJ က အမိန့်ချမှတ်ခဲ့သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly