ဇန်နဝါရီ ၂၁ ။ ။ အိန္ဒိယနိုင်ငံရှိ ဂါယာလေဆိပ်တွင် မြန်မာအမျိုးသမီး ၅ ဦးကို အမေရိကန်ဒေါ်လာ သုံးသိန်း လက်ဝယ်တွေ့ရှိမှုဖြင့် ဇန်နဝါရီ ၂၀ ရက်က ထိန်းသိမ်းထားကြောင်း သိရသည်။
လေဆိပ်စစ်ဆေးရေးဂိတ်ရှိ အကောက်ခွန်ဌာနက အဆိုပါအမျိုးသမီး ၅ ဦးကို တရားမဝင်ငွေကြေး ကိုင်ဆောင်မှုဖြင့် ဖမ်းဆီးထားခြင်းဖြစ်သည်။
“အမေရိကန်ဒေါ်လာ သုံးသိန်းနဲ့အတူတွေ့ရတဲ့ အမျိုးသမီး ၅ ဦးက မြန်မာနိုင်ငံကို အပြည်ပြည်ဆိုင်ရာလေကြောင်းလိုင်းနဲ့ပြန်ဖို့ စီစဉ်ထားသူတွေပါ” ဟု အကောက်ခွန်ကော်မရှင်နာ LT Bhutia က ဆိုသည်။
ပိုက်ဆံများ မည်သို့မည်ပုံရရှိကြောင်းနှင့် ဒေသခံများနှင့် ဆက်စပ်မှုရှိ မရှိကိုလည်း စစ်ဆေးမေးမြန်းခဲ့ကြသည်။
နောက်ထပ်စစ်ဆေးမေးမြန်းမှုများကိုလည် ထပ်မံလုပ်ဆောင်နေကြောင်းသိရသည်။
