ဇန်နဝါရီ ၂၁  ။                            ။  တရုတ်နိုင်ငံတွင် SARS ရောဂါပိုးနှင့် အလားသဏ္ဍာန်တူသည့် ဗိုင်းရပ်စ်ပိုးသစ်တစ်မျိုး ကူးစက်ပျံ့နှံ့နေမှုနှင့်ပတ်သက်၍ ဆွေးနွေးတိုင်ပင်ရန် ကမ္ဘာ့ကျန်းမာရေးအဖွဲ့ကြီး (WHO) က ယခုအပတ်အတွင်း အရေးပေါ်အစည်းအဝေးတစ်ရပ် ခေါ်ယူတွေ့ဆုံသွားမည်ဖြစ်ကြောင်း သိရသည်။

• SARS ရောဂါပိုးနှင့် ဆက်နွယ်သည့် ရောဂါပိုးဆန်းတစ်မျိုးကြောင့် တရုတ်၌ ဒုတိယမြောက် လူတစ်ဦး သေဆုံးပြန်

ယင်း ရောဂါဖြစ်ပွားမှုနှင့်ပတ်သက်၍ နိုင်ငံတကာ အများပြည်သူ ကျန်းမာရေးဆိုင်ရာ အရေးပေါ် အခြေအနေ အဖြစ် ကြေညာရင် သင့်မသင့် စဉ်းစားသွားမည်ဟု who က ထုတ်ပြန်သည်။

• ထူးဆန်း နမိုးနီးယားရောဂါ ကူးစက်မှု ဂျပန်တွင် ပထမဆုံး စတင် ဖြစ်ပွား

အဆိုပါ နမိုးနီးယား ဗိုင်းရပ်စ်ပိုးသစ်သည် ယခုအခါ တရုတ်နိုင်ငံပြင်ပကိုပါ ပျံ့နှံ့ရောက်ရှိနေပြီဖြစ်ပြီး ယင်းပိုးသည် လူအချင်းချင်းအကြားတွင်လည်း ကူးစက်နေကြောင်း ပေကျင်းအစိုးရ တာဝန်ရှိသူတစ်ဦးက ဇန်နဝါရီ ၂၁ ရက်တွင် ထုတ်ပြန်ခဲ့သည်။

• ထိုင်းတွင် SARS ရောဂါပိုး မိသားစုဝင် ရောဂါပိုးသစ်တစ်မျိုး ကူးစက်ဖြစ်ပွား

တရုတ်နိုင်ငံအလယ်ပိုင်း ဝူဟန်မြို့တွင် ပထမဆုံး တွေ့ရှိခဲ့သော ကိုရိုနာ ဗိုင်းရပ်စ်ပိုးကြောင့် လက်ရှိအချိန်တွင် ယင်းနိုင်ငံတွင် ပြည်သူများအကြား စိုးရိမ်ပူပန်မှုများ မြင့်တက်နေလျက် ရှိသည်။ အကြောင်းမှာ ယင်းသည် လွန်ခဲ့သော ၂၀၀၂ ၊ ၂၀၀၃ ခုနှစ်က တရုတ်ပြည်မကြီးနှင့် ဟောင်ကောင်တွင် လူပေါင်း ၆၅၀ နီးပါး သေဆုံးခဲ့ရသည့် SARs ရောဂါပိုးနှင့် ဆက်နွယ်ပတ်သက်မှု ရှိနေ၍ ဖြစ်သည်။

• တရုတ် ဗိုင်းရပ်စ်ဆန်း မြို့ကြီးများဆီ ကူးစက်ပျံ့နှံ့ ၊ နောက်ထပ် လူ ၁၄၀ နီးပါး ထပ်မံကူးစက်ခံထားရ

အဆိုပါ ဗိုင်းရပ်စ်ပိုးသစ် ကူးစက်ခံထားရသူ ဦးရေသည် ယခုအခါ စုစုပေါင်း ၂၁၆ ဦးအထိ ရှိသွားပြီ ဖြစ်သည်။ ယင်းအပြင် စတုတ္ထမြောက် လူနာတစ်ဦး ယင်းရောဂါပိုးကူးစက်ခံရမှုကြောင့် ထပ်မံ သေဆုံးသွားပြီဟု သိရသည်။