အီရတ်ရှိ အစိမ်းရောင်ဇုန်အနီး ဒုံးကျည်နှစ်စင်း ကျရောက်

အီရတ်ရှိ အစိမ်းရောင်ဇုန်အနီး ဒုံးကျည်နှစ်စင်း ကျရောက်

ဇန်နဝါရီ ၉ ။       ။ ဇန်နဝါရီ ၈ ရက်နေ့ညပိုင်းက အီရတ်နိုင်ငံ ဘဂ္ဂဒက်မြို့ရှိ ခံစစ်ကောင်းစွာ ပြင်ဆင်ထားသော အစိမ်းရောင်ဇုန်အနီးသို့ ဒုံးကျည်အသေးစား နှစ်စင်းကျရောက်ခဲ့ကြောင်း အမေရိကန်ဦးဆောင်သည့် ညွန့်ပေါင်းတပ်ဖွဲ့က  အတည်ပြုခဲ့သည်။

ISIS စစ်ဆင်ရေးအတွက် အီရတ်တွင် အခြေစိုက်တပ်စွဲထားသည့် အမေရိကန်ညွန့်ပေါင်းတပ်ဖွဲ့မှ ပြောရေးဆိုခွင့်ရှိသူ ဗိုလ်မှူးကြီး မိုင်လ်ကက်ဂင်က “ဘဂ္ဂဒက်ရဲ့ အစိမ်းရောင်ဇုန်အနီးကို ညပိုင်း ဒေသစံတော်ချိန် ၁၁ နာရီ ၄၅  မိနစ်လောက်က Katyusha ဒုံးကျည်တွေကျရောက်ခဲ့တာပါ၊ အပျက်အစီး အသေအပျောက်တော့ မရှိပါဘူး။”ဟု ပြောကြားခဲ့သည်။

အစိမ်းရောင်ဇုန်အတွင်းမှ  အချက်ပေးဉဩသံများကြားပြီးနောက် ပေါက်ကွဲသံနှစ်ခု ကြားခဲ့ရသည်ဟု ဆိုသည်။ မည်သည့်နေရာမှ မည်သူမည်ဝါပစ်ကြောင်းကိုမူ ရှင်းရှင်းလင်းလင်း မသိရသေးပေ။

ဇန်နဝါရီ ၈ ရက်အစောပိုင်းက အီရတ်ရှိ အမေရိကန်တို့၏ လေတပ်အခြေစိုက်စခန်းများကို အီရန်တို့က ပဲ့ထိန်းဒုံးကျည် ၂၂ စင်းပစ်လွှတ်ပြီးနောက် အဆိုပါ ဒုံးကျည်များ ထပ်မံကျရောက်လာခြင်းဖြစ်သည်။

အဆိုပါ အစိမ်းရောင်ဇုန်သည် အမေရိကန်နှင့် အခြားအနောက်နိုင်ငံများ၏ သံရုံးများတည်ရှိရာနေရာဖြစ်သည်။ ပြီးခဲ့သည့်လပိုင်းများကလည်း အစိမ်းဇုန်နှင့် ပတ်ဝန်းကျင်ဒေသကို ဒုံးကျည်များစွာ ကျရောက်ခဲ့သော်လည်း အီရန်နှင့် အမေရိကန် တင်းမာမှုမြင့်တက်လာသည့်အချိန်ကစပြီး တပ်လှန့်နေခဲ့ကြသည်။ 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly