ဇန်နဝါရီ ၈။           ။ ယူကရိန်း ခရီးသည်တင် လေယာဉ်တစ်စင်း အီရန်နိုင်ငံ မြို့တော် တီဟီရန်အနီး ပျက်ကျသွားခဲ့သည်ဟု အီရန်ပြည်တွင်း သတင်းမီဒီယာများက ဖော်ပြသည်။

အဆိုပါ လေယာဉ်ပေါ်တွင် လူပေါင်း ၁၈၀ ဦး လိုက်ပါသွားကြောင်း သိရသည်။

ယူကရိန်း နိုင်ငံတကာ လေကြောင်းလိုင်းပိုင် Boeing 737 လေယာဉ်သည် ဇန်နဝါရီ ၈ ရက် အစောပိုင်းက တီဟီရန်မြို့ အိုင်မမ်ခိုမေနီ လေဆိပ်ကနေ ပျံတက်သွားပြီးနောက် မကြာခင်မှာဘဲ ပျက်ကျခဲ့ခြင်း ဖြစ်ကြောင်း ISNA သတင်းအေဂျင်စီက ဖော်ပြသည်။

စက်ပိုင်းဆိုင်ရာ ချို့ယွင်းမှုကြောင့် ယူကရိန်းလေကြောင်းလိုင်းပိုင် လေယာဉ် ပျက်ကျခြင်းဖြစ်သည်ဟု ISNA  သတင်းအေဂျင်စီက ထုတ်ပြန်သည်။

အဆိုပါ လေယာဉ်ပျက်ကျမှုကြောင့် လေယာဉ်ပေါ် ပါရှိသူများ၏ အသက်အန္တရာယ် မည်သို့ ရှိမည်ကို လက်တလော မသိရသေးပေ။