MC : နိုင်ငံတကာတရားရုံး ICJ မှာ လူမျိုးတုန်းသတ်ဖြတ်တယ်ဆိုတဲ့ စွဲချက်နဲ့ မြန်မာနိုင်ငံအပေါ် ဂန်ဘီယာနိုင်ငံဖက်က စွဲဆိုထားတဲ့အမှု ဒီနေ့ စတင် ကြားနာတော့မှာ ဖြစ်ပါတယ်၊ မြန်မာနိုင်ငံဘက်က နိုင်ငံတော်အတိုင်ပင်ခံ ဒေါ်အောင်ဆန်းစုကြည် ကိုယ်တိုင် တရားရုံးကို တက်ရောက်လာတဲ့ အတွက်လည်း မြန်မာပြည်သူတွေသာမက နိုင်ငံတကာကပါ စိတ်ဝင်တစားရှိနေတာပါ၊ တရားရင်ဆိုင်ရမယ့် ICJ တရားရုံးရှိတဲ့ The Hague မြို့ကို ဗွီအိုအေ မြန်မာပိုင်းက ဦးကျော်ဇံသာ ကိုယ်တိုင်လည်း သတင်းရယူမေးမြန်းဖို့အတွက်ရောက်ရှိနေပါပြီ၊ နှစ်ဖက် ပြောဆိုရင်ဆိုင်မှုတွေ မစမီ လက်ရှိ အနေအထားတွေနဲ့ ပတ်သက်ပြီး မခင်ဖြူထွေးက skype ကနေ ဦးကျော်ဇံသာကို တိုက်ရိုက်မေးမြန်းထားပါတယ်ရှင်။