ယမကာစျေးကွက်အတွင်းမှာ Grand Royal အမည်ဖြင့် ယမကာထုတ်လုပ်လျက်ရှိသော Myanmar Distillery Co., Ltd ကို Product နံမည်ပါဝင်တဲ့ Grand Royal Group International Co., Ltd အမည်အဖြစ် တရားဝင်ပြောင်းလဲ သတ်မှတ်လိုက်ကြောင်း နိုဝင်ဘာလ(၁၄)ရက်နေ့က ဆီဒိုးနား ဟိုတယ်မှာ ကြေညာခဲ့ပါတယ်။ အဆိုပါအမည်နဲ့ စားသုံးသူတွေကို အကောင်းဆုံးဝန်ဆောင်မှုပေးသွားမှာဖြစ်ပြီး စီးပွားရေး အကူအညီ တွေနဲ့ မြန်မာနိုင်ငံအနှံ့အပြားက ဝေးလံခေါင်ဖျားတဲ့ ဒေသတွေမှာ လူမှုအကျိုးပြုလုပ်ငန်းတွေကို တိုးမြှင့်လုပ်ကိုင်သွားမယ်လို့ Grand Royal Group International Co Ltd မှ တွဲဖက်ဥက္ကဋ္ဌ ဦးအောင်မိုးကျော်က ဆိုပါတယ်။ ယင်းကုမ္ပဏီဟာ (၂၀၀၈)ခုနှစ်က စတင်ပြီး လူမှုအကျိုးပြုလုပ်ငန်းတွေဖြစ်တဲ့သန့်စင်သော သောက် သုံးရေရရှိရေး စီမံကိန်း၊ လူ (၈)သောင်းကို အခမဲ့မျက်စိကုသပေးတဲ့ ကျန်းမာရေး စီမံကိန်း၊ နိုင်ငံတော် အားကစား ဖွံ့ဖြိုးတိုးတက်ရေးကို ပံ့ပိုးကူညီတဲ့ စီမံကိန်း၊ ဘေးဒဏ်သင့်ပြည်သူတွေကို ကူညီ ထောက်ပံ့တဲ့ စီမံကိန်းတွေကို လုပ်ကိုင်လျက်ရှိပါတယ်။ Grand Royal ကုန်အမှတ်တံဆိပ်ကို ၁၉၉၅ခုနှစ်က စတင်ထုတ်လုပ်ခဲ့ပြီး မြန်မာနိုင်ငံရဲ့ ယာမကာ နယ်ပယ်မှာ ဆယ်စုနှစ် နှစ်စုကြာ ရပ်တည်လျက်ရှိပါတယ်။ ၂၀၁၈ခုနှစ်အတွက် ကမ္ဘာ့တိုးတက်မှုအမြန်ဆုံး ယာမကာထုတ်ကုန် အမျိုး(၁၀၀)မှာ အဆင့်(၃၈) သတ်မှတ်ခံခဲ့ပါတယ်။ ရိုက်ကူးတည်းဖြတ်-ဆုမြတ်မေဇော်