မြန်မာနောင်းသတင်းဌာနမှ သတင်းထောက်ချုပ်ကိုဆွေဝင်းကို တရားစွဲဆိုထားမှုအတွက် တရားရုံးက ပယ်ချခဲ့မှုအပေါ် တရားလိုဘက်မှ ခရိုင်တရားရုံးသို့ ရာဇဝတ်ပြင်ဆင်ချက် ဆက်တက်ခဲ့သည်။
လူမူကွန်ယက်စာမျက်နှာတွင် ဆရာတော် ဦးဝီရသူ၏ ဂုဏ်သိက္ခာညိုးနွမ်းအောင်ရေးသားသည်ဟုဆိုကာ ကိုဆွေဝင်းကို မဟာအောင်မြေတရားရုံး၌ ဆက်သွယ်ရေး ဥပဒေပုဒ်မ(၆၆/ဃ) ဖြင့် တရားစွဲဆိုခဲ့ပြီး ဇူလိုင်လ ၂ရက်နေ့တွင် မဟာအောင်မြေတရားရုံးက အမှုကိုပယ်ချခဲ့သည်။
အဆိုပါကိစ္စအပေါ် တရားလို ကိုကျော်မျိုးရွှေဘက်မှ ကျေနပ်မှုမရှိသောကြောင့် ၂၀၁၉ ခုနှစ်၊သြဂုတ်လ ၂၆ ရက်၊ နံနက်ပိုင်းက မန္တလေးခရိုင်တရားရုံးတွင် ဥပဒေပြင်ဆင်ချက် ဆက်တက်ခဲ့ပြီး ခရိုင်တရားရုံးက လက်ခံခြင်း ရှိမရှိကို စောင့်ကြည့်ရဦးမည်ဖြစ်ကြောင်းတရားလိုဘက်မှ ပြောကြားသည်။
ရိုက်ကူး ဘိုဘို မဇ္ဈိမ