ယဉ်မတော်တဆမှုတွင် သေဆုံးသွားသူတွေရဲ့မိသားစုဝင်တွေကို ထောက်ပံ့ကြေးပေး

26 August 2019
ယဉ်မတော်တဆမှုတွင် သေဆုံးသွားသူတွေရဲ့မိသားစုဝင်တွေကို ထောက်ပံ့ကြေးပေး

ကုန်တင်ကားတစ်စီး ယာဉ်မတော်တဆမှုဖြစ်ပွားကာ သေဆုံးသွားသူတွေရဲ့ ကျန်ရစ်သူမိသားစုဝင်တွေကို သြဂုတ်လ ၂၅ ရက်က စစ်ကိုင်းတိုင်းဒေသကြီး မုံရွာမြို့ ကားလေးကွင်းရှိ မော်တော်ယာဉ်များ စနစ်တကျ ပြေးဆွဲရေးကော်မတီရုံးမှာ ထောက်ပံကြေး ပေးအပ်ခဲ့ပါတယ်။ 

သေဆုံးသွားခဲ့တဲ့ ယာဉ်မောင်းနဲ့ ယာဉ်နောက်လိုက်ရဲ့ ကျန်ရစ်သူမိသားစုဝင်တွေကို တစ်ဦးလျှင် ငွေကျပ် နှစ်သိန်းစီ ထောက်ပံ့ပေးခဲ့ပြီး အခုလိုထောက်ပံ့ပေးတာက ပထမဆုံးအကြိမ်ဖြစ်ပါတယ်။ 
သြဂုတ်လ ၁၃ ရက်က ရန်ကုန် - မန္တလေး အမြန်လမ်းမကြီး ၂၉၅ မိုင်တိုင်အနီးမှာ ယာဉ်တိုက်မှုဖြစ်ပွားပြီး သေဆုံးခဲ့ကြတာ ဖြစ်ပါတယ်။

မုံရွာမြို့ မော်တော်ယာဉ်စနစ်တကျပြေးဆွဲရေ ကော်မတီမှာ ကုန်တင်ကားအသင်း ၁၆ သင်း၊ ကားအစီးရေ ၉၀ နီးပါး၊ ခရီးသည်တင်ကားအသင်း ၆၁ သင်း၊ ကားအစီးရေ ၁၀၀ ကျော်နဲ့ သုံးဘီးဆိုင်ကယ်အသင်း နှစ်သင်း မှတ်ပုံတင်အသင်းဝင်ထားတယ်လို့ သိရပါတယ်။

ရိုက်ကူး၊တည်းဖြတ်-ဘုန်းနိုင်ဖြိုး
 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly