ဧရာဝတီသတင်းဌာန မြန်မာပိုင်းဝက်ဆိုက် တိုက်ခိုက်ခံရ

ဧရာဝတီသတင်းဌာန မြန်မာပိုင်းဝက်ဆိုက် တိုက်ခိုက်ခံရ

ဧရာဝတီသတင်းဌာန၏ မြန်မာပိုင်းဝက်ဆိုက်ကို အတိုက်ခိုက်ခံရသည်ဟု အောက်တိုဘာ ၁၂ရက်က နံနက်ပိုင်းက ဧရာဝတီသတင်းဌာန၏ တရားဝင်ဖေ့စ်ဘုတ်စာမျက်နှာမှတစ်ဆင့် ကြေငြာထားသည်။

ဧရာဝတီသတင်းဌာန၏ မြန်မာပိုင်း ဝက်ဆိုက်စာမျက်နှာတွင် သတင်းအမှားများကို ဧရာဝတီသတင်းထောက်များ၏ နာမည်များဖြင့် လုပ်ကြံ ရေးသားကာ တင်ထားသည်ကို တွေ့ရသည်။

ဧရာဝတီ မြန်မာပိုင်း website တွင် Hacker များတင်သွားသော သတင်းအမှား ၂ ခုမှာ "ဒေါ်အောင်ဆန်းစုကြည် ပြည်ပတွင်ဆေးစစ် ဆေးကုသမှု ခံယူရန်အစီအစဉ်ရှိ " ဆိုသော သတင်း ၊ " တစ်နိုင်ငံလုံးအပစ်ရပ်စာချုပ်ကို NLD အယုံအကြည်မရှိဟု ဦးဝင်းထိန်ပြော" ဆိုသော သတင်း ၂ ခုဖြစ်သည်။ အောက်ဖော်ပြပါ သတင်းများမှာ hacker များတိုက်ခိုက်တင်ထားသော သတင်းအမှားများသာဖြစ်သည်။ ဧရာဝတီ website ပုံမှန်ပြန်ဖြစ်ရန်ကြိုးစားလျက်ရှိသည်ဟု ဧရာဝတီသတင်းဌာနက ကြေငြာထားသည်။

ယခုတိုက်ခိုက်မှုသည် ဒုတိယအကြိမ်တိုက်ခိုက်ခံရမှုဖြစ်ပြီး အောက်တိုဘာ ၉ ရက်နေ့ကလည်း ဧရာဝတီမြန်မာပိုင်း website ကိုတိုက်ခိုက်ခံခဲ့ရသည်ဟု ဧရာဝတီကဆိုသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly