"မစိုးရိမ်ဆရာတော်ဘုရားကြီး ဆရာတော် ဦးရာဇဓမ္မ အမိန့်ရှိခဲ့သလိုပဲ တပည့်တော်တို့က ၂၅ ရာခိုင်နှုန်း (လွှတ်တော်တွင် တပ်မတော်သား ကိုယ်စားလှယ်ပါဝင်မှု)က နည်းတောင်နည်းသေးတယ်လို့ ယူဆရမှာပါ။ ဒါတော့ ဘယ်သူတွေက ဆဲဆဲ၊ ဘယ်သူတွေက ပြောပြော တပည့်တော်ကတော့ မမှုပါဘူး။ ကိုယ်လုပ်ရမယ့် လုပ်ငန်းကို ဖြောင့်ဖြောင့်မတ်မတ် အလုပ်လုပ်တယ်။ အေးအေးဆေးဆေးအလုပ်လုပ်တယ်"
~~အမျိုး ဘာသာ သာသနာစောင့်ရှောက်ရေး ဗုဒ္ဓဓမ္မပရဟိတ ဖောင်ဒေးရှင်း (ဗဟို)၏ တွဲဖက်အတွင်းရေးမှူး မြတောင်ဆရာတော်
ဇွန်လ ၇ ရက်နေ့၊ ရန်ကုန်မြို့၊ အင်းစိန်မြို့နယ်ရှိ အောင်ဆန်းတောရတပ်ဦးကျောင်းတွင် ပြုလုပ်ခဲ့သည့် အမျိုး ဘာသာ သာသနာစောင့်ရှောက်ရေး ဗုဒ္ဓဓမ္မပရဟိတ ဖောင်ဒေးရှင်း(ဗဟို) နှစ်ပတ်လည်စုံညီ တွေ့ဆုံ သြဝါဒ ခံယူပွဲနှင့် မဟာသမယသုတ်၊ ဥပ္ပါတသန္တိပရိတ်တော် ရွတ်ဖတ်ပူဇော်ပွဲတွင် တိုင်းဒေသကြီးနှင့် ပြည်နယ် အသီးသီးမှ ကြွရောက်လာသည့် သံဃာတော်များကို ဗုဒ္ဓဓမ္မပရဟိတ ဖောင်ဒေးရှင်း (ဗဟို)၏ တွဲဖက်အတွင်းရေးမှူး မြတောင်ဆရာတော်က ထိုသို့ မိန့်ကြားခဲ့ခြင်းဖြစ်သည်။
သတင်းရိုက်ကူး/ တည်းဖြတ်- ရဲနိုင်(လောက်ကိုင်)
