မန္တလေးအိုးဘိုအကျဉ်းထောင်အတွင်း အချုပ်သား ကိုထွန်းမြင့်ဝင်း သေဆုံးမှုအပေါ် ဌာနဆိုင်ရာ စုံစမ်းစစ်ဆေးရေးအဖွဲ့ ဖွဲ့စည်း၍ အဖြစ်မှန်ပေါ်ပေါက်ရေး ဆောင်ရွက်နေကြောင်း အကျဉ်းဦးစီးဌာနက ယနေ့ညပိုင်းတွင် သတင်းထုတ်ပြန်လိုက်သည်။
ကျောက်မီးသွေး စွမ်းအင်သုံး ဘိလိပ်မြေစက်ရုံ စီမံကိန်းကန့်ကွက်မှုတွင် ပါဝင်သည်ဟုဆိုကာ ဖမ်းဆီးခံခဲ့ရသည့် မန္တလေးတိုင်း၊ ပုသိမ်ကြီးမြို့နယ်၊ ဒဟတ္တောကျေးရွာအုပ်စု အောင်သပြေရွာသား ကိုထွန်းမြင့်ဝင်း(ခ) ကိုထွန်းသည် အိုဘိုထောင်အတွင်း ဇွန်လ ၅ရက်၊ နံနက်ပိုင်းက သေဆုံးသွားခဲ့သည်။
- ကျောက်မီးသွေးစက်ရုံ ကန့်ကွက်ဆန္ဒပြပွဲအား ရဲတပ်ဖွဲ့မှ ဖြိုခွင်းနေစဉ် Live လွှင့်ခဲ့သည့်သတင်းထောက် ဖမ်းဆီးခံရ
- ကျောက်မီးသွေးသုံးဘိလပ်မြေစက်ရုံဝန်းအတွင်း ပျက်စီးခဲ့သည်ဟုဆိုကာ စက်ရုံဘက်မှ အမှုဖွင့်
သေဆုံးသူသည် အရက်ကြောင်၍ အကျဉ်းထောင်အတွင်း ဆေးကုသမှုခံယူစဉ် သေဆုံးခဲ့ခြင်းဖြစ်သည်ဟု အာဏာပိုင်များက ပြောဆိုသော်လည်း ရုပ်အလောင်းတွင် နှိပ်စက်ခံထားရဖွယ် ဒဏ်ရာများတွေ့ရှိ၍ ဖြစ်စဉ်အမှန်ကို ဖော်ထုတ်ပေးရန် မိသားစုဝင်များက တောင်းဆိုထားသည်။
ကိုထွန်းမြင့်ဝင်း၏ ဈာပနကို အောင်သပြေကျေးရွာတွင် ယနေ့ မွန်းလွဲပိုင်းက ပြုလုပ်ခဲ့သည်။