မြိတ်၊ ဧပြီ (၂၆) ။ ။ နိုင်ငံတော်သမ္မတရုံး၏ ပြစ်ဒဏ်လွတ်ငြိမ်းသက်သာခွင့်ဖြင့် တစ်နိုင်ငံလုံးရှိ အကျဉ်းထောင် အသီးသီးမှ အကျဉ်သား/ သူ ၇၀၀၀ ဦးနီးပါးကို လွတ်ငြိမ်းသက်သာခွင့်ပေးလျက်ရှိရာ မြိတ်အကျဉ်ထောင်မှ အကျဉ်းသား/ သူ ၉၂ ဦး လွတ်မြောက်ခွင့် ပေးလိုက်ကြောင်း သိရသည်။
မြိတ်အကျဉ်းထောင်မှ လွတ်ငြိမ်း သက်သာခွင့်ဖြင့် လွတ်မြောက်လာသည့် အကျဉ်သား/ သူများ အနက် အကျဉ်းသား (၇၄) ဦး၊ အကျဉ်းသူ (၁၈) ဦး စုစုပေါင်း (၉၂) ဦးကို လွတ်ငြိမ်းခွင့်ပေးလိုက်သည်ဟု မြိတ်အကျဉ်းထောင်တာဝန်ခံ အရာရှိ ဦးကျော်ကျော်ဦးထံမှ သိရသည်။
လွတ်ငြိမ်းသက်သာခွင့်ရ အကျဉ်းသား/ သူများအား မြိတ်အကျဉ်းထောင်ရှိ ဓမ္မာရုံတွင် တာဝန်ရှိသူများက ဆုံးမစကားများ ပြောကြားခဲ့ကြပြီး အကျဉ်းသား/ သူများကို တာဝန်ရှိသူများက ထောင်လွတ်လက်မှတ်နှင့် စားစရိတ်၊ ခရီးစရိတ် ငွေများ ပေးအပ်ခဲ့သည်။
