ကချင်ပြည်နယ်သို့ စည်းရုံးရေးဆင်းနေသော ဒေါ်အောင်ဆန်းစုကြည်စီးနင်းလာသည့် ယာဉ်အမှတ် 3D- 1818သည် ဟိုပင်မြို့သို့အရောက် ညနေ ၄နာရီ၊ ၂၅မိနစ်တွင် ရှေ့ဘီးပေါက်သွားသောကြောင့် ဘီးအစားထိုး တပ်ဆင်ခဲ့ရသည်။
ကားဘီး လဲလှယ် တပ်ဆင်ပြီးနောက် ၄နာရီ၊ ၄၅မိနစ်တွင် မိုးညှင်းမြို့သို့ ဆက်လက်ထွက်ခွာနေပြီ ဖြစ်သည်ဟု လိုက်ပါသတင်းယူနေသည့် မဇ္ဈိမသတင်းထောက်က သတင်းပေးပို့သည်။
ဒေါ်အောင်ဆန်းစုကြည်သည် ယနေ့နံနက်ကတည်းက မြစ်ကြီးနားမှ ထွက်ခွာလာခြင်းဖြစ်ပြီး မိုးညှင်းမြို့မရောက်ခင် လမ်းခုလတ်ဖြစ်သော နမ္မတီး၊ မိုးကောင်း၊ ဟိုပင်မြို့တို့တွင် မဲဆွယ်ဟောပြောခဲ့သေးသည်။
