တောင်ကိုရီးယား သရုပ်ဆောင်မင်းသား ရိန်းသည် H Entertainment အေဂျင်စီနှင့်အတူ လက်တွဲ လုပ်ဆောင်ရန် ဆုံးဖြတ်ခဲ့ကြောင်း အောက်တိုဘာ ၁ ရက်က ပြည်တွင်း မီဒီယာတစ်ခုက သတင်း ထုတ်ပြန်သည်။
ရိန်းသည် စက်တင်ဘာလက Cube Entertainment အေဂျင်စီနှင့် စာချုပ်သက်တမ်း ကုန်ဆုံးသွားပြီးနောက် ကိုယ်ပိုင်အေဂျင်စီ ထောင်သွားမည်ဟု ယခင်က ပြောကြားခဲ့သော်လည်း ယခုအခါ H Entertainment အေဂျင်စီနှင့် အတူ လက်တွဲ လုပ်ဆောင်ရန် ဆုံးဖြတ်ခဲ့သည်။
ရိန်းသည် ၎င်း၏ အနုပညာလုပ်ငန်းများ ပိုမိုကောင်းမွန်ရန် အေဂျင်စီနှင့် လက်တွဲလုပ်မှသာ စိတ်ချရမှု ရှိမည် ဟု ထင်ထားပုံ ရသည်။ ရိန်းသည် နိုဝင်ဘာလတွင် တရုတ်နိုင်ငံ မြို့များတွင် ရိုက်ကူးရေးများ စတင်သွားမည် ဖြစ်သည်။
