ဒီတစ်ပတ် မဇ္ဈိမက ဦးစီးပြုလုပ်သော Mizzima’s Dialogue ဆွေးနွေးပွဲမှာ နိုဝင်ဘာ ၈ ရက် ရွေးကောက်ပွဲတွင် ရှမ်းပြည်နယ်အတွင်း မဲဆန္ဒနယ်များမှ ဝင်ရောက်ယှဉ်ပြိုင်မည့် နိုင်ငံရေး ပါတီများမှ ခေါင်းဆောင်များနှင့် ဆွေးနွေးထားခြင်းဖြစ်သည်။
ဆွေးနွေးပွဲ အစီအစဉ်ကို ရှမ်းပြည်နယ်တောင်ပိုင်း၊ တောင်ကြီးမြို့ရှိ ချယ်ရီကွင်းဟိုတယ်တွင် စက်တင်ဘာလ ၁၅ရက်က ကျင်းပခဲ့သည်။ အဆိုပါ ဆွေးနွေးပွဲတွင် ရှမ်းအမျိုးသားများ ဒီမိုကရေစီပါတီ အဖွဲ့ချုပ်မှ ဒေါ်နန်းမြဦး၊ ဓနုတိုင်းရင်းသားလူမျိုးများ ဒီမိုကရေစီ ပါတီမှ ဒေါက်တာကျော်လွင်ထူး၊ ပြည်ထောင်စု ပအို့ဝ်အမျိုးသား အသင်းချုပ်ပါတီမှ ဒေါ်နန်မေပန်းဝါနှင့် ရှမ်းတိုင်းရင်းသားများ ဒီမိုကရက်တစ်ပါတီမှ ဒေါ်နန်းသန်းသန်းရွှေ တို့ပါဝင် ဆွေးနွေးခဲ့သည်။
ဆွေးနွေးပွဲသို့ တိုင်းရင်းသားပါတီမှ ကိုယ်စားလှယ်များ၊ အရပ်ဘက်လူ့အဖွဲ့အစည်းမှ တာဝန်ရှိသူများ၊ မီဒီယာများ၊ ပြည်သူများ စုစုပေါင်း ၈၀ ကျော် တက်ရောက်ခဲ့သည်။
