ရန်ကုန်၊ ဇန်နဝါရီလ၂၄ ။ ။ သရုပ်ဆောင် သီဟတင်စိုးအမှုမှ တရားလိုဖြစ်သော ဒေါ်ဇင်မာဦး၏ အစ်မ ဒေါ်ကေသီဦးက ဇန်နဝါရီ ၂၄ ရက် တွင်ပြုလုပ်သော ရုံးချိန်း၌ တရားလိုပြသက်သေအဖြစ် တရားခွင်သို့လာရောက် ထွက်ဆိုခဲ့သည်။
အဆိုပါ ရုံးချိန်းတွင် ပုဒ်မ ၃၈၉ ၊ ပုဒ်မ ၂၁၁ နှစ်ခု ဖြင့် တရားစွဲဆိုခံထားရသည့် အိမ်အကူဒေါ်ခင််မာမြင့် ကို ရုံးထုတ်ခဲ့ပြီး အိမ်အကူဒေါ်ခင်မာမြင့်ကို ပုဒ်မ ၂၁၁ ဖြင့် လီဆယ်တိုင်တန်းထားသည့်အမှုမှ တရားလိုပြ သက်သေတစ်ဦးကိုလည်း သင်္ဃန်းကျွန်းမြိုနယ် တရားရုံးတွင် စစ်ဆေးမှုများ ပြုလုပ်ခဲ့သည်။
“သူဘက်ပဲ သူပြောမှပေါ့ ။အစ်မ တို့ခံစားရတာ အစ်မတို့ပဲသိတယ်။ ဒါပါပဲ အစ်မက သူအစ်မ ဆိုတော့ ” ဟု ဒေါ်ကေသီဦးက မီဒီယာများ ၏ မေးမြန်းမှုကို ပြန်လည်ဖြေကြားခဲ့သည်။
သရုပ်ဆောင် သီဟတင်စိုးကို ပုဒ်မ ၃၈၉ ၊ မုဒိမ်းမှုဖြင့် လီဆယ်တိုင်တန်းသည့်အမှုမှ တရားလိုပြသက်သေ အဖြစ်ဒေါ်ကေသီဦး က လာရောက်ထွက်ဆိုကာအပြန်အလှန်မေးမြန်းစစ်ဆေးခဲ့ခြင်း ဖြစ်သည်။
သရုပ်ဆောင် သီဟတင်စိုးက အိမ်အကူဖြစ်သူ ဒေါ်ခင်မာမြင့်ကို အဓမ္မပြုကျင့်ခဲ့သည်ဟုဆိုကာ ၂၀၁၈ ခုနှစ် ဇူလိုင်လ ၁၄ရက် ညနေပိုင်းတွင် တိုင်းတန်းခံရပြီး သုဝဏ္ဏနယ်မြေရဲစခန်းက (ပ)၃၈၆ ရာဇသတ်ကြီးပုဒ်မ ၃၇၆ဖြင့် အမှုဖွင့်ဆောင်ရွက်ခဲ့ကြောင်းသိရသည်။
အဆိုပါအမှုအတွက် လာမည့် ရုံးချိန်းကို ဇန်နဝါရီလ ၂၈ ရက် နေ့သို့ ပြန်လည်ချိန်းဆိုထားသည်။