ရန်ကုန်၊ ဇန်နဝါရီလ ၁၁ ။ ။ စစ်ဆေးနေသည်မှာ ကြန့်ကြာနေသည်ဟု အများပြည်သူဝေဖန်မှုများမြင့်တက်နေသည့် ဦးကိုနီအသတ်ခံရမှုနှင်႔ ပတ်သက်ပြီး သေနတ်သမားကြည်လင်းအပါအဝင် ၃ ဦးအား ရုံးထုတ်စစ်ဆေးခဲ့သညမှာ ဇန်နဝါရီလ ၁၁ ရက်နေ့တွင် ရုံးချိန်း ၁ဝဝ ပြည့်ခဲ့ပြီဖြစ်သည်။
ဦးကိုနီအမှုအား စစ်ဆေးနေသည်႔ အင်းစိန်မြို့နယ်၊ ရန်ကုန်မြောက်ခရိုင်တရားရုံး၊ အထူးခုံရုံးမှလည်း အမှုမြန်ဆန်ရေးအတွက် တရားရုံး မလာရောက်သည်႕ တရားခံပြသက်သေများအား မှတ်တမ်းတင်ထားကာ ပယ်သည့်စနစ်ဖြင်႔ စစ်ဆေးနေခြင်းဖြစ်သည်။
ပြီးခဲ့သည့် ဇန်နဝါရီလ ၇ ရက်နေ့ကလည်း နိုင်ငံတော်သမ္မတအိမ်တော်တွင် ပြုလုပ်ခဲ့သော သတင်းစာရှင်းလင်းပွဲ၌ သတင်းထောက်တစ်ဦးက ဦးကိုနီအမှု ကြန့်ကြာနေသည့့်အပေါ် ပြည်သူလူထုမှ ဝေဖန်မှုများရှိနေပြီး အစိုးရမှ ထိန်းကျောင်းစောင့်ကြည့် နေမှုအခြေအနေနှင့် အမှုမှလက်ရှိချိန်ထိ ထွက်ပြေးလွတ်မြောက်နေသည့် တရားခံပြေးအောင်ဝင်းခိုင်အား ရှာဖွေနေမှု ရှိ၊ မရှိတို့အား မေးမြန်းခဲ့ရာတွင် နိုင်ငံတော်သမ္မတရုံးမှ ပြောရေးဆိုခွင့်ရှိသူ ဦးဇော်ဌေးက ဦးကိုနီအမှုသာမက ကျန်သည်႕အမှုများလည်း ကြန်႔ကြာမှုများရှိနေပြီး ထိုအခြေအနေအားဖြေရှင်းရန် အဆောက်အဦပိုင်းဆိုင်ရာ၊ ဝန်ထမ်းပိုင်းဆိုင်ရာ လိုအပ်မှုများအား အစိုးရအနေဖြင့် ထောက်ပံ့ပေးရန် အားလုံးပြောထားပြီးဖြစ်ကြောင်းပြောကြားခဲ့သည်။
ထို့ပြင် ဦးကိုနီအသတ်ခံရမှုတွင် သေဒဏ်ထိချမှတ်နိုင်သည့် တင်ကူးကြံရွယ်ချက်ဖြင့် လူသတ်မှုပုဒ်မ၊ အားပေးကူညီမှု ပုဒ်မ နှစ်ခုဖြင့် စွဲချက်တင်စစ်ဆေးခံနေရသည့် ဇေယျာဖြိုးက ရုံးချိန်းတိုင်း၊ ရုံးချိန်းတိုင်းတွင် အမှုအမြန်ပြီးချင်သည်ဟု ပြောဆိုနေသော်လည်း ၎င်းကိုယ်တိုင်ကပင် အမှုအား ကြန့်ကြာအောင် လုပ်နေခြင်းဖြစ်ကြောင်း တရားလို ရှေ့နေများက ဇန်နဝါရီလ ၁ဝ ရက်နေ့ ရုံးချိန်းက တုုံ့ပြန်ပြောဆိုထားသည်။
အဆိုပါအမှုနှင့်ပတ်သက်ပြီး အထူးခုံရုံးတွင် စစ်ဆေးရန် တင်ပြထားသည့် တရားခံပြသက်သေ ၇၂ ဦးအနက် စစ်ဆေးရန်အတွက် တရားခံပြသက်သေ ၆ ဦးသာ ကျန်ရှိတော့သည်။
ယနေ့ ဇန်နဝါရီလ ၁၁ ရက်နေ့တွင် တရားသက်သေ ၃ ဦးကို စစ်ဆေးရန် ချိန်းဆိုထားခြင်းဖြစ်သည့်အတွက် လက်ရှိတွင် နောက်ထပ် စစ်ဆေးရန် ခံပြသက်သေ ၃ ဦးသာကျန်ရှိတော့မည်ဖြစ်သည်။
ဦးကိုနီလုပ်ကြံခံရမှုမှာ ပြီးခဲ့သည့့် ၂ဝ၁၇ ခုနှစ်၊ ဇန်နဝါရီလ ၂၉ ရက်၊ ညနေ ၅ နာရီအချိန်ခန့်တွင် ဖြစ်ပွားခဲ့ခြင်း ဖြစ်ပြီး ရန်ကုန်အပြည်ပြည်ဆိုင်ရာလေဆိပ်ရှိ ခရီးသည်များရှိနေသည့်နေရာတွင်ပင် ဦးကိုနီအား ကြည်လင်းက သေနတ်ဖြင့် အနီးကပ်ပစ်ခတ်လုပ်ကြံခဲ့ခြင်းဖြစ်ကာ ပြစ်မှုကျူးလွန်သူအား ဖမ်းဆီးရမိရေးအတွက် ဆောင်ရွက် ပေးခဲ့သော အငှားယာဉ်မောင်း ကိုနေဝင်းပါ သေနတ်ထိမှန် သေဆုံးခဲ့သည့် အမှု ဖြစ်သည်။
အမှုအား စစ်ဆေးနေသည်မှာ ကြန့်ကြာနေသည်ဟု အများပြည်သူ ဝေဖန်မှုများ မြင့်တက်နေသည့် ဦးကိုနီ အသတ်ခံရမှုအား စစ်ဆေးနေသည်မှာ ၂ နှစ်ပြည့်တော့မည်ဖြစ်သည့်အပြင် ဇန်နဝါရီလ ၁၁ ရက်နေ့ ရုံးချိန်းတွင် ရုံးချိန်းပေါင်း ၁ဝဝ ပြည့်ပြီလည်းဖြစ်သည်။
ဇန်နဝါရီလ ၁၁ ရက်နေ့တွင် ချိန်းဆိုထားသည်႕ဇေယျာဖြိုး၏ တရားခံပြသက်သေ ၃ ဦးမှာ တရားရုံးသို့လာရောက်ခြင်းမရှိသဖြင်႔ ထပ်မံပယ်လိုက်သည်။ စုစုပေါင်း စစ်ဆေးရန် တရားခံပြသက်သေ ၃ ဦးသာ ကျန်ရှိသည်။