လက်ရှိအသုံးပြုနေသည့် တပ်မတော် ကြည်း၊ ရေ၊ လေ၊ ယူနီဖောင်းများကို အသစ်ပြဋ္ဌာန်း လိုက်ကြောင်း ကာကွယ်ရေး ဦးစီးချုပ်ရုံး(ကြည်း)ထံမှ သိရသည်။
မြန်မာ့တပ်မတော် (ကြည်း၊ ရေ၊ လေ) အရာရှိနှင့် အခြားအဆင့် (အမျိုးသား/အမျိုးသမီး) များ၏ လက်ရှိ စစ်ဝတ်စုံများကို နိုင်ငံတကာတပ်မတော်များ၏ ဝတ်စုံများနှင့်အညီ ဖြစ်စေရေး၊ တပ်မ တော်သားများ၏ စိတ်ဓာတ် ပိုမို မြင့်မား တက်ကြွလာစေရေးနှင့် ရာသီဥတု အခြေအနေများနှင့် လိုက်လျောညီထွေစွာ ဝတ်ဆင်နိုင်ရေးတို့အတွက် အသစ်ပြဋ္ဌာန်းလိုက်သည်ဟု ဆိုသည်။
အသစ်ပြဋ္ဌာန်းလိုက်သည့် ဝတ်စုံများကို သတ်မှတ်ရက်များအလိုက် ၂၀၁၅ အောက်တိုဘာ ၁ ရက်မှစ၍ တပ်မတော်တစ်ရပ်လုံး ပြောင်းလဲ ဝတ်ဆင်ကြရမည်ဖြစ်ကြောင်း၊ ပြောင်းလဲရန် ကျန်ရှိနေ သေးသော စစ်ဝတ်စုံများကိုလည်း ဆက်လက် ထုတ်ပြန်သွားမည်ဖြစ်ကြောင်း သိရသည်။