ရန်ကုန်၊ နိုဝင်ဘာ ၂၆ ။ ။ ရှမ်းပြည်နယ်၊ ကျောက်မဲမြို့နယ် ၊ကျွဲကုန်းကျေးရွာတွင် ဗုဒ္ဓဆင်းတုတော် ၄၈ ဆူကို တူးဖော်တွေ့ရှိခဲ့ကြောင်း ပြည်ထဲရေးဝန်ကြီးဌာနမှ သတင်းထုတ်ပြန်ခဲ့သည်။
ဖြစ်စဉ်မှာ၂၀၁၈ ခုနှစ်၊ နိုဝင်ဘာလ ၂၄ ရက်နေ့ နံနက် ၈ နာရီ ၃၀ မိနစ်တွင် ကျောက်မဲမြို့နယ်၊ ကျွဲကုန်းကျေးရွာဘုန်းကြီးကျောင်းအတွင်းရှိ စေတီဟောင်း ၁ ဆူအား ပြန်လည်ပြုပြင်မွမ်းမံရန် ရွာသူရွာသား ၅၀ ဦးခန့်က ခြုံနွယ်များရှင်းလင်းစဉ် ဉာဏ်တော် ၁၂ လက်မခန့်ရှိ ကြေးဆင်းတုတော်(၃၃)ဆူ၊ ဉာဏ်တော် ၆ လက်မခန့်ရှိ ဖန်ဆင်းတုတော်(၄)ဆူ၊ ကျောက်စိမ်း ဆင်းတုတော်(၆)ဆူ၊ ပန်းပေါင်းဆင်းတုတော်(၅)ဆူ၊ စုစုပေါင်း ဗုဒ္ဓဆင်းတုတော်(၄၈)ဆူကို တူးဖော်တွေ့ရှိခဲ့ခြင်း ဖြစ်သည်။
အဆိုပါ ဆင်းတုတော်များကို ကျွဲကုန်းဘုန်းကြီးကျောင်း၌ အပူဇော်ခံထားရှိကြောင်း သိရသည်။