ရန်ကုန်၊ နိုဝင်ဘာ ၁၉ ။ ။ ပညာသင်ကြားရေး အထောက်ကူပြု Virtual Reality (VR)အမည်ရှိ လေ့ကျင်ရေး စက်ကိရိယာတစ်ခုကို အခြေခံပညာကျောင်းများတွင် အသုံးပြုနိုင်ရေးအတွက် Ericsson Myanmar မှ စတင်မိတ်ဆက်ခဲ့ပါတယ်။
အဆိုပါပစ္စည်းမိတ်ဆက်ပွဲကို နိုဝင်ဘာ ၁၉ရက်နေ့က ရန်ကုန်မြို့ ဆူးလေရှန်ဂရီလာဟိုတယ်မှာ ပြုလုပ်ခဲ့ပါတယ်။
ယင်းလေ့ကျင့်ရေး စက်ကိရိယာဟာ ဆရာ၊ဆရာမတွေအတွက် သင်ကြားရေးပိုင်းဆိုင်ရာတွေကို တစ်ယောက်တည်း လေ့ကျင်သင်ကြားနိုင်တဲ့ စက်ကိရိယာ တစ်ခုလည်း ဖြစ်ပါတယ်။
" အသုံးပြုဖို့က လွယ်ပါတယ်။ အဲဒီစက်ရယ်၊ ကိုယ့်ရဲ့ ဖုန်းထဲက အဲဒီအက်ပလီကေရှင်းကို ဖွင့်လိုက်မယ်ဆိုရင် အဲဒီစက်ကို ဆရာဆရာမတွေအနေနဲ့ ခေါင်းမှာ တပ်လိုက်လို့ရပြီ။ သူ့ရဲ့ ရှေ့မှာ အမြင်ထဲမှာ စာသင်ခန်းတစ်ခုရှိနေမှာပါ ကျောင်းသားကျောင်းသူတွေလဲရှိနေမှာပါ။ တပ်ထားတဲ့ ကိရိယာရဲ့ ဘေးမှာ ဆိုရင် ခလုတ်လေးတွေရှိမယ် ပြီးရင် ဘယ်လိုမျိုးလုပ်ဆောင်လို့ရမယ်ဆိုတဲ့ အသေးစိတ်လေးတွေပြပေးထားတယ်။ အဲဒီမှာ ကိုယ်ကြိုက်တဲ့မော်ကျူးကိုဝင်ပြီး ကျောင်းသားတွေနဲ့ အပြန်လှန်ဆွေးနွေးသင်ကြားနိုင်မှာ ဖြစ်တယ်။ " လို့ Eircsson Myanmarမှ Ph.D Zohra Yermeche (Global Program Director) ကပြောပါတယ်။
ဆရာဆရာမတွေဆီမှာ ဒီကိရိယာရှိခြင်းအားဖြင့် ကျောင်းသားကျောင်းသူတွေ မလိုအပ်ဘဲ တစ်ယောက်တည်း လေ့ကျင့်သင်ကြားနိုင်ခြင်းကြောင့် ပညာရေးဘက်မှာ ပိုမိုတိုးတက်မှုတွေရှိလာမယ်လို့ မျှော်လင့်တယ်လိို့ သိပါတယ် ။
" အဓိကအားဖြင့်တော့ ဆရာ/ဆရာမတွေအနေနဲ့ မော်ကျူးတွေကို အသုံးပြုပြီးတော့ ကျောင်းသားတွေမရှိဘဲနဲ့ တစ်ယောက်တည်း လေ့ကျင့်နိုင်မှာဖြစ်တာကြောင့် ပိုပြီးကောင်းမွန်တဲ့ သင်ကြားမှုပုံစံတွေကို လုပ်ဆောင်လာနိုင်မှာ ဖြစ်တယ်။" ဟု Ph.D Zohra Yermeche ကဆက်ပြောပါတယ်။
အဲဒီအစီစဉ်ကို ၂၀၁၄ခုနှစ်မှာ ပညာရေးဝန်ကြီးဌာနနဲ့ ပူးပေါင်းပြီး ပဲခူးတိုင်းဒေသကြီး၊မွန်ပြည်နယ်၊ မန္တလေးတိုင်းဒေသကြီးတွေမှာ ရှိတဲ့ အခြေခံပညာ စာသင်ကျောင်း ၃၁ ကျောင်းမှာစတင်ပြီး အခမဲ့စမ်းသပ် အသုံးပြုနေပြီးလည်းဖြစ်ပါတယ်။