ရွေးကောက်ပွဲနဲ့ လယ်သမားအရေး ဘယ်လိုဖြေရှင်းပေးမလဲ (Mizzima Dialogue TV Show)

ရွေးကောက်ပွဲနဲ့ လယ်သမားအရေး ဘယ်လိုဖြေရှင်းပေးမလဲ (Mizzima Dialogue TV Show)

အခုဆိုရင် ရွေးကောက်ပွဲ မဲဆွယ်ကာလ ရောက်နေပြီမို့ ရွေးကောက်ပွဲဝင်မယ့် ကိုယ်စားလှယ်လောင်းတွေ မဲဆွယ်နေကြပါပြီ။ မြန်မာ့နိုင်ငံရေးမှာ ရွေးကောက်ပွဲတွေ အတော်ဝေးခဲ့ကြတာမို့ ရွေးကောက်ပွဲနဲ့ ပတ်သက်ပြီး သိသင့် သိထိုက်တာတွေ၊ ရွေးကောက်ပွဲနဲ့ ပတ်သက်ပြီး အနာဂတ် မျှော်လင့်ချက်တွေ ရွေးကောက်ပွဲနဲ့ ပတ်သက်တဲ့ သိသင့်သိထိုက်တာတွေကို တင်ပြနိုင်ဖို့ Mizzima Dialogue TV Show လာပါပြီ။

Mizzima Dialogue TV Show  ရုပ်သံ အစီအစဉ်ဟာ ကဏ္ဍ အသီးသီးမှာ တာဝန်ယူထားကြသူတွေကို ရွေးကောက်ပွဲနဲ့ ပတ်သက်ပြီး ထင်မြင်ယူဆချက်တွေ၊ အမြင်တွေ၊ အတွေ့အကြုံတွေကို တွေ့ဆုံမေးမြန်း ဆွေးနွေးကြမယ့် အစီအစဉ်ပဲ ဖြစ်ပါတယ်။ ရွေးကောက်ပွဲ အကြိုကာလ၊ ရွေးကောက်ပွဲ ကာလနဲ့ ရွေးကောက်ပွဲ အလွန်မှာ ဘာတွေ ဖြစ်နိုင်သလဲ ဘာတွေ ဖြစ်နေသလဲ ဘာတွေဖြစ်ခဲ့သလဲ စတာတွေကို Mizzima Dialogue TV Show မှာ ကြည့်ရှုနိုင်မှာဖြစ်ပါတယ်။

Mizzima Dialogue TV Show အစီအစဉ်မှာ လူပုဂ္ဂိုလ်၊ နေရာဒေသ၊ ပါတီကြီး၊ ပါတီငယ် မခွဲခြားဘဲ အတတ်နိုင်ဆုံးနဲ့ အပြည့်စုံဆုံး နိုင်ငံအနှံ့က အခြေအနေတွေကို တင်ပြပေးသွားမှာ ဖြစ်ပါတယ်။ ရွေးကောက်ပွဲနဲ့ ပတ်သက်တဲ့ ထင်မြင် ယူဆချက်တွေနဲ့ အတွေးအမြင်တွေ၊ ထင်မြင်ယူဆချက်တွေ အပေါ် ပြန်လည် တုန့်ပြန်ချက်တွေနဲ့ Mizzima Dialogue TV Show  ကို တစ်ပတ်ကို တစ်ပိုင်းစီ ဝေဝေဆာဆာ တင်ဆက်သွားမှာမို့ ဗဟုသတလည်းရ ပညာလည်းတိုးမယ့် Mizzima Dialogue TV Show လာပါပြီ။

ဒီတပတ်မှာတော့ ရန်ကုန်တိုင်း ရွေးကောက်ပွဲ ကော်မရှင် အဖွဲ့ခွဲ ဥက္ကဋ္ဌ ဦးကိုကို၊ မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေး ပါတီ ဒုတိယဥက္ကဋ္ဌ ဦးမောင်မောင်၊ တောင်သူလယ်သမားအရေးတွေကို ကူညီဆောင်ရွက်ပေးနေသူ မစုစုနွေးတို့ရဲ့ ရွေးကောက်ပွဲ အပေါ် အမြင်တွေကို တွေ့မြင်ကြရမှာ ဖြစ်ပါတယ်။

ရွေးကောက်ပွဲ အကြိုကာလ ဘာတွေဖြစ်နေပြီလဲ ရွေးကောက်ပွဲအကြိုကာလမှာ စီမံကိန်းအသစ်တွေ ထပ်ချမပေးသင့်တော့ဘူးလို့ ရန်ကုန်တိုင်း ရွေးကောက်ပွဲ ကော်မရှင် အဖွဲ့ခွဲ ဥက္ကဋ္ဌ ဦးကိုကိုက ဆိုပါတယ်။ တောင်သူလယ်သမား ဖွံ့ဖြိုးတိုးတက်ရေး ပါတီ ဒုတိယဥက္ကဋ္ဌ ကတော့ ၂၀၁၂ ခုနှစ်အတွင်း သိမ်းဆည်းခံရတဲ့ လယ်ဧက ၁၀ သန်းနီးပါးကို ရွေးကောက်ပွဲအပြီး တက်လာမယ့် အစိုးရက ဘယ်လို ဖြေရှင်း ပေးမလဲလို့ မေးခွန်းထုတ်ပါတယ်။  တောင်သူလယ်သမားအရေးတွေကို ကူညီဆောင်ရွက်ပေးနေသူ မစုစုနွေးကလည်း လယ်သမားတွေဘဝ မပြောင်းလဲ သေးပါဘူးတဲ့ ဆိုတော့ ရွေးကောက်ပွဲကနေ တက်လာမယ့် နောက်အစိုးရ ဘယ်လို ဖြေရှင်းပေးပါနိုင်ပါသလဲ Mizzima Dialogue TV Show မှာ ကြည့်နိုင်ပါပြီ။

 

 

 

 

Mizzima Weekly