ရင်းနှီးမြှပ်နှံမှုများ ဆွဲဆောင်ရန် အခွန်ကင်းလွတ်ခွင့် မက်လုံးများ ထိုင်းအစိုးရ အတည်ပြု

ရင်းနှီးမြှပ်နှံမှုများ ဆွဲဆောင်ရန် အခွန်ကင်းလွတ်ခွင့် မက်လုံးများ ထိုင်းအစိုးရ အတည်ပြု

ဘန်ကောက်၊ စက်တင်ဘာ - ၁၆ ။        ။ ထိုင်းနိုင်ငံအနေဖြင့် ရင်းနှီးမြှပ်နှံမှုကို ပိုမိုဆွဲဆောင်လာနိုင်စရန် ကြိုးပမ်းမှုတစ်ခုအနေဖြင့် အစိုးရအဖွဲ့က ယခင်ကထက်ပိုမိုသော အခွန်ကင်းလွတ်ခွင့် မက်လုံးများကို အတည်ပြုခဲ့သည်။

ယမန်နေ့က ပြုလုပ်ခဲ့သည့် အဆိုပြုချက်အသစ်က အစိုးရအား ကော်ပိုရိတ်ဝင်ငွေခွန် ကင်းလွတ်ခွင့်ကို ယခင်က ၈နှစ်သာပေးခဲ့ရာမှ ၁၃နှစ်အထိ တိုးမြှင့်ပေးရန် တိုက်တွန်းထားသည်ဟု အစိုးရပြောခွင့်ရ ပုဂိုလ် ဆန်ဆန်း ကူကမ်နာ့က ပြောကြားခဲ့သည်။

နောက်၅နှစ်အထိ ယာယီအခွန်ကို ၅၀ရာခိုင်နှုန်း လျှော့ချပေးပြီးနောက်တွင် ကော်ပိုရိတ်ဝင်ငွေခွန်ကိုလည်း ၉၀ရာခိုင်နှုန်းအထိ ၁၀နှစ် လျှော့ချပေးမည်ဖြစ်သည်။

သို့ရာတွင် ဤအထူးအခွင့်အရေးအသစ်များကို နည်းပညာမြင့် အသုံးပြုသည့် (သို့မဟုတ်) သုတေသနနှင့် ဖွံ့ဖြိုးမှုကို မြှင့်တင်သည့် စက်မှုလုပ်ငန်းများသာလျှင် ခံစားခွင့်ရှိမည်ဖြစ်သည်။

ရင်းနှီးမြှပ်နှံမှုဘုတ်အဖွဲ့ (BoI)က ခံစားခွင့်အပ်နှင်းမည့် စက်မှုလုပ်ငန်းစာရင်းကို တာဝန်ယူပြုစုနေသည်ဟု မစ္စတာ ဆန်ဆန်းက ပြောကြားခဲ့သည်။ ဒီနည်းက BoIကို ထိုင်းနိုင်ငံထဲ ရင်းနှီးမြှပ်နှံမှုတွေကို ပိုမိုဆွဲခေါ်လာနိုင်စေမှာပါဟု ၎င်းက ပြောကြားခဲ့သည်။

အစိုးရက အတည်ပြုပြီးရင် အခွန်ကင်းလွတ်ခွင့် အဆိုပြုချက်အသစ်ကို နိုင်ငံတော်ဥပဒေပြုလွှတ်တော်ကို ပေးပို့မှာဖြစ်ပြီး နောက်နှစ်လောက်တွင် အကောင်အထည်ဖော်နိုင်လိမ့်မည်ဟု ရင်းနှီးမြှပ်နှံမှုဘုတ် အဖွဲ့၏ အတွင်းရေးမှူးချုပ် ဟီရွန်ယာ ဆူချီနိုင်က ပြောကြားခဲ့သည်။ ရင်းနှီးမြှပ်နှံမှု တိုးမြှင့်ရေးမဟာဗျူဟာကို ပြန်လည်သုံးသပ်ပြီး ပိုမိုသော ရင်းနှီးမြှပ်နှံမှုများကို ဆွဲဆောင်နိုင်ရေး ကူညီရန် မကြာသေးမီက ထိုင်းစက်မှုလုပ်ငန်းဖက်ဒရေးရှင်း (FTI)က ရင်းနှီးမြှပ်နှံမှုဘုတ်အဖွဲ့ကို တိုက်တွန်းခဲ့သည်ဟု ဆိုသည်။

ယခင်အစီအစဉ်အများအတိုင်း နှစ်ပေါင်း ၃၀ ကြာမြင့်လာပြီးနောက်တွင် ယခုနှစ်အစောပိုင်းက စတင်မိတ်ဆက်လာခဲ့သည့် လက်ရှိခံစားခွင့်များမှာ ရှုပ်ထွေးလွန်းပြီး ကမ္ဘာ့စီးပွားရေး နှေးကွေးလာသည့် အတောအတွင်း ရင်းနှီးမြှပ်နှံမှုအသစ်များကို လုံလုံလောက်လောက် ဆွဲဆောင်နိုင်ခြင်းမရှိဟု FTI က ယုံကြည်နေသည်။

သို့ရာတွင် FTIက အစိုးရကို စက်မှုလုပ်ငန်းအမျိုးအစားအလိုက် မတူခြားနားသောဇုန်များအပေါ် အခြေခံ၍ ရင်းနှီးမြှပ်နှံမှုများ ဆွဲဆောင်ရန် အခွန်ကင်းလွတ်ခွင့် မက်လုံးများ ထိုင်းအစိုးရ အတည်ပြု ခံစားခွင့်များ သတ်မှတ်ပေးသည့် အစီအစဉ်ဟောင်းသို့ နောက်ကြောင်းပြန်လှည့်စေလိုသော ဆန္ဒလည်း မရှိပေ။ ပို့ကုန်အပေါ် မှီခိုနေရမှုကို ဖြတ်တောက်လျှော့ချနိုင်မည့် နည်းလမ်းများကို ရှာဖွေရန် အစိုးရအား ၎င်း၏အေဂျင်စီက တိုက်တွန်းမည်ဖြစ်သည်ဟုလည်း FTIဥက္ကဌ ဆူပန့် မွန်ကိုဆူသရီ ကပြောကြားခဲ့သည်။ ပို့ကုန်ကဏ္ဍမှာ လက်ရှိ ဂျီဒီပီ၏ ၇၀ရာခိုင်နှုန်းအထိ ရှိနေရာမှာ ၅၀ရာခိုင်နှုန်းအထိ ကျဆင်းသွားစေလိုသည်။  

အစိုးရအနေနဲ့ ပို့ကုန်တွေအပေါ် မှီခိုလွန်းနေမယ့်အစား အခြေခံအဆောက်အအုံကဏ္ဍမှာ ပိုရင်းနှီးမြှုပ်နှံသင့်ပြီး ခရီးသွားလုပ်ငန်းကိုလည်း အားပေးသင့်တယ်ဟု မစ္စတာ ဆူပန့်က ပြောကြားခဲ့သည်။

ထို့အပြင် အစိုးရအနေဖြင့် စီးပွားရေးကို ကုန်ကျစရိတ် သက်သာစွာဖြင့် ကူညီတွန်းတင်နိုင်မည့် 4Gဆက်သွယ်ရးစနစ်များကို အားပေးသော အခြေခံအဆောက်အအုံများ တည်ဆောက်ခြင်းဖြင့်လည်း ဒစ်ဂျစ်တယ်စီးပွားရေးသို့ တက်လှမ်းစေလိုသော ဆန္ဒရှိနေသည်ဟု ဆိုသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly